Advertisements
سپورټ نړیوال کرکټ

افغانستان د سيریز لومړۍ لوبه بایلوله!

لیکنه: مدثر دعوت

ليکنه: مدثر دعوت

افغان ملي لوبډلي تر سکاټلینډ وروسته د ایرلينډ سره د ۲ يو ورځنيو لوبو لړۍ پيل کړه.

د ايرلینډ په وړاندي افغان لوبډلي د پوره چمتوالی خبر ورکړی وو او محمدنبي،راشدخان ،مجیب الرحمن چي د سکاټلینډ په وړاندي سيریز که نه وه یوځل بيا د ملي لوبډلي سره يو ځای سوي وه.

د ايرلينډ او افغانستان تر منځ د لومړۍ لوبي پچه افغان لوبډلمشر ګلبدين نائب وګټله او توپ اچوونه يې انتخاب کړه.

ايرلینډ د ټولو لوبغاړو په سوځيدو ۲۱۱ منډي هدف وټاکی.

سټرلینګ ۷۱، پورټرفیلډ ۵۳، او کیوين اوبراین ۳۲ منډي وکړې.

افغان توپ اچوونکو دتل په څير يو وار بیا غوره توپ اچوونه وکړه.

دولت ځدران او افتاب عالم درې درې ويکټي واخيستې، راشد ۲ او ګلبدين يوه ویکټه واخیسته.

د ايرلينډ د ۲۱۱ منډو هدف د افغان تجربه کاره توپوهونکو لپاره سخت نه وو خو د ایرلينډ لوبډلمشر ويلي وه چي زماتکيه به پر توپ اچوونکو وي اودی په خپل پلان کي بريالی هم سو.

افغانستان په ۴۱ منډو کي ۴ لوبغاړي دلاسه ورکړي وه خو یوازي اصغر افغان محمدنبي يوڅه اوږده ملګرتیا وکړه.

د افغانستان لپاره محمدشهزاد ۲، حضرت ځاځي ۱۴، رحمت شاه ۴، اصغرافغان ۲۹، محمدنبي ۲۷ او ګلبدین نائب ۲۰ منډي وکړې.

افغان لوبډله په ۳۶م اوور کي د ۱۳۸ منډو په کولو سره ټوله وسوځيده.

د ايرلينډ لپاره اډاير ۴، مورټاګ ۲، رينکین ۳ او کیون اوبراین يوه ويکټه واخيسته.

ايرلينډ وکولای سوله چي د ۷۲ منډو په توپير افغان لوبډلي ته ماته ورکړي.

افغانستان او ايرلينډ د سیريز دويمه وروستۍ سيالۍ سبا ماسپښين په ۰۲:۱۵ بجې پيلوي.

Advertisements

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.