مارچ 2, 2021

افغانستان تر ۲۰۱۹ م کال پورې د کرکټ نړیوالې شورا د FTP پروګرام کې نه دی شامل

د افغانستان د کرکټ ملي لوبډله تر ۲۰۱۹ م کال پورې د کرکټ نړیوالې شورا د FTP یا فیوچر ټورز پروګرام، چې د کرکټ لمړۍ درجې هېوادونو د لوبډلو لپاره پکې د راتلونکو سیالیو مهالویش جوړیږي، نه ده شامله.
د افغانستان د کرکټ بورډ د معلوماتو په اساس، د کرکټ نړیوالې شورا لخوا دغه پروګرا په هرو څلورو کلونو کې جوړيږي، چې وروستی هغه یې په ۲۰۱۵ م کال کې جوړ شوی دی او په هغه وخت کې دواړو افغانستان او ایرلینډ ته بشپړ غړیتوب نه و ورکړل شوی.
د افغانستان د کرکټ ملي لوبډله به اوس تر ۲۰۱۹ م کال پورې د کرکټ نړیوالې شورا سره د لمړۍ درجې هېوادونو سره د سیالیو ترسره کولو په مهالویش کې نه وي شامله، خو افغان کرکټ بورډ کولی شي، چې د دغه هېوادونو د کرکټ بورډونو سره د توافق لعه مخې ملي لوبډلې ته سیالۍ برابرې کړي.
د یادونې وړ ده، چې په دې وروستیو کې د کرکټ نړیوالې شورا لخوا د افغانستان او ایرلینډ د کرکټ ملي لوبډلو ته د پوره غړیتوب د ورکولو د غوښنتې په اساس د ۳ کلونو لپاره فول میمبر شیف ورکړل شو، چې پکې دواړه هېوادونه د کرکټ لمړۍ درجې هېوادونو په کتار کې حساب شول.

راشدخان: د یوه قوي ټیم درلودلو لپاره اړتیا ده، زیاتې ټیسټ لوبې وکړو

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي     د ایسفاین کرکی انفو د راپور له مخي د افغانستان د کرکټ ملې لوبډلې نامتو لوبغاړي راشدخان ویلي، چې که موږ په کال کې له درې ـ څلورو لوبو ډېرې ... نور ولولئ