سپورټ کورنی کرکټ نړیوال کرکټ

افغانستان تر نړيوال جام مخکي ۶ لوبي لري.

لیکنه: مدثر دعوت

ليکنه: مدثر دعوت

د کريکټ پنځوس اووريز نړيوال جام ته تر يوې مياشتي لږ وخت پاته دی.

افغانستان په نړيوال جام کي خپله لومړنۍ لوبه د جون مياشتي په لومړۍ نيټه د اسټراليا سره کوي.

د نړيوال جام لپاره افغان لوبډلي خپل ۱۵ کسيزه سکواډ د ۳ احتياطي لوبغاړو په ګډون اعلان کړ.

خو تر نړيوال جام مخکي افغان لوبډله د پاکستان،انګلستان،ايرلينډ او سکاټلينډ سره ۶ يو ورځنۍ لوبي لري.

افغانستان لومړنۍ يو ورځنۍ لوبه د سکاټلنډ سره د رواني می مياشتي په اتمه نيټه لري او دويمه يو ورځنۍ لوبه د می په لسمه نيټه ترسره کوي.

تر سکاټلينډ وروسته افغان لوبډله د ايرلينډ سره ۲ يو ورځنۍ لوبي کوي.

لومړنۍ لوبه يې د می په ۱۹مه او دويمه لوبه د می په ۲۱مه نيټه ده.

تر نړيوال جام وړاندي افغانستان ۲ تمريناتي لوبي د پاکستان او انګلستان سره هم لري.

د پاکستان سره يې لومړنۍ تمريناتي لوبه د همدې می مياشتي په څلوريشتمه ، او دويمه تمريناتي لوبه د انګلستان سره د می په ۲۷مه نيټه لري.

د افغان کريکټ نوي لوبډلمشر ګلبدين نائب په خپلي نوي مرکې کي ويلي چي موږ د نړيوال جام لپاره پوره امادګي لرو،ښي لوبي کوو او لوبي ګټو.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.