Advertisements
سپورټ کورنی کرکټ

افغانستان او ایرلینډ شل آوریزه لوبي په مارچ میاشت کي کوي

د افغانستان کرکیټ بورډ خبر ورکوي، چي د افغانستان او ایرلینډ کرکیټ ملي لوبډلو ترمنځ د روان ۲۰۲۰م کال په مارچ میاشت کي درې شل آوریزه لوبي ترسره کیږي.

دا لوبي تر دې مخکي د ایرلینډ په کوربتوب پلان سوي وې، خو ایرلینډ کرکیټ بورډ د لوبډلي د زیات مصروفتیاوو له امله یادي لوبي لغوه کړي وې.

اوس افغان کرکیټ بورډ خبر ورکړی، چي افغان او ایرلینډ لوبډلي به درې شل آوریزه سیالۍ په مارچ میاشت کي د افغانستان په کوربتوب هند هیواد کي ترسره کړي.

دا لوبي د هند هیواد نویډا ښار په ګریټر نویډا کرکیټ لوبغالي کي ترسره کیږي.

د افغانستان د کرکیټ بورډ پر رسمي فیسبوک پاڼه راغلي، چي افغان او ایرلینډۍ لوبډلي به د لړۍ لومړۍ شل آوریزه لوبه د مارچ په ۶مه، دوهمه په ۸مه او درېیمه شل آوریزه لوبه بیا د مارچ میاشتي په ۱۰مه نېټه ترسره کړي.

HARARE, ZIMBABWE – MARCH 23: Muhammad Shahzad of Afghanistan looks on as Kevin O’Brien of Ireland scores runs during The ICC Cricket World Cup Qualifier between Ireland and Afghanistan at The Harare Sports Club on March 23, 2018 in Harare, Zimbabwe. (Photo by Julian Herbert-IDI/IDI via Getty Images)

څو ورځي مخکي افغان کرکیټ بورډ د روان ۲۰۲۰م کال لپاره د افغان لوبډلي لوبي اعلان کړې، چي یوازي پکښي د نړیوال جام او آسیا کپ لوبي وې، خو اوس تازه افغان بورډ وتوانېد، چي ایرلینډی بورډ قانع کړي، چي لغوه سوي درې شل آوریزه لوبي بیرته پلان کړي.

ټاکل سوې افغان ۱۹ کسیزه لوبډله همدې ورځو کي د یوه تمریناتي کمپ لپاره متحده عربي آماراتو ته ولاړه سي او له راتګه وروسته به د ایرلینډ په وړاندي دې درو شل آوریزه سیالیو ته لوبډله اعلان کړي.

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.