د اسټرالیا کرکټ بورډ د بنګله دیش خلاف د سیالیو کوربه توب څخه د مالي ستونزو له کبله انکار وکړ.
د کرکټ نړیوالې شورا د (FTP) یا د راتلونکو سفرونو پروګرام له مخې ویل شوي و، چې دواړه لوبډلې به د روان کال په وروستیو میاشتو کې په اسټرالیا کې ټیسټ او پنځوس اوریزه لوبې ترسره کړي، خو اوس یې د لغوه کیدو خبر ورکړل شو.
د پلان له مخې ویل شوي و، چې د دواړو لوبدلو ترمنځ دوه ټیسټ او ۳ پنځوس اوریزه کرکټ سیالۍ به د روان کال د اګسټ او سیپټمبر میاشتو ترمنځ ترسره شي.
داسې هم ویل شوي دي، چې اسټرالوۍ لوبډله به د ۲۰۱۹ م کال وروسته بنګله دیش ته سفر وکړي، خو د بنګله دیش کرکټ بورډ اجرایوي رییس نظام الدین چوهدي ري ویلي، دوي ورته ځیني وړاندیزونه کړي دي، چې تر اوسه یې ځواب نه دی ترلاسه کړی.
د اسټرالوي کرکټ بورډ اجرایوي رییس جیمز سټورلینډ د دغه سفر لغوه کولو بل لامل د سیالیو نا مناسب مهالویش یاد کړی دی.
