فبروري 27, 2021

اریانا سعید له خپل همکار حسیب ساعد سره نامزاد شوه

په ټولنیزو رسنیو کې خپاره شوې تصویرونه ښيي چې تکړه افغان سندرغاړې اریانا سعید د استرالیا په میلبرون ښار کې د کنسرټ پر مهال د سلګونو نندارچیانو په وړاندې د خپل همکار حسیب ساعد له خوا د واده وړاندیز منلی دی.
حسیب ساعد له اوږدې مودې راهېسې د اریانا سعید د پروګرامونو تنظیمونکی او د نوموړې د موسیقۍ د ډلې منیجر دی.
د دواړو ترمنځ د اړیکو په اړه لا دمخه هم اوازې وې خو اوس سره رسما د نامزادۍ په تار وتړل شول.

اریانا سعید په تیرو څو کلونو کې د خپلو سندرو، ټولنیزو فعالیتونو، پر سټج د ځانګړو اکټونو او ځانګړې ژوند بڼې له کبله ګڼ مینه وال لري.
خو د همدې کړنو له کبله یې په افغانستان کې د مخالفانو شمیر هم کم نه دی.
د نامزادۍ د تصویرونو تر خپریدو ورسته د ټولنیزو رسنیو ګڼو افغان کارونکو دې تکړه سندرغاړې ته مبارکي ویلي، خو د هغو شمیر هم کم نه دی چې د تل په څیر ددې سندرغاړې په ژوند کې دا ستر بدلون د بدو ردو د ویلو لپاره د یو فرصت په توګه کارولی.
د یادونې وړ ده چې اریانا سعید ته څو اونۍ مخکې د اتلانتیک شورا له خوا د ازادۍ معتبره جایزه ورکړل شوه.

اریانا سعید ته څو اونۍ مخکې د اتلانتیک شورا له خوا د ازادۍ معتبره جایزه ورکړل شوه.

په دې اړه په جوړوشویو مراسمو کې د نړۍ معتبرو سیاسي او کلتوري څیرو برخه اخیستی وه.
د اریانا سعید رسمي پاڼه وايي چې نن ددې افغان سندرغاړې کلیزه هم ده. دا چې څوکلنه شوه، دا نو معلومه نه ده.
 

کوپټیل؛ په نړیوالو شل اوریزه سیالیو کې زیاتې شپږیزه وهونکی لوبغاړی

لیکوال: محمد صابر حمیدي ، کندهار - برخه : سپورټ

لیکنه: محمدصابر حمیدي   د نیوزیلنډ د کرکټ ملې لوبډلې پیلیز لوبغاړي مارټین کوپټیل د اسټرالیا په وړاندې لوبه کې په ۵۰ توپونو ۹۷ منډې وکړې، چې ۸ شپږیزې او ۶ بیا څلوریزې شاملې وې. ... نور ولولئ