د متفکر ژان ژاک څو ښې خبرې

ژباړه: محمد عزيز پردېس

ـ د سستې او کمزورې ارادې لرونکۍ کسان د معجزو او په زړه پورې پېښو په تمه وي، خو د غښتلو ارادو درلودونکي خپله معجزې او په زړه پورې پېښې رامنځ ته کوي.

ـ د ژوند ترټولو ساده درس دا دی چې هېڅکله څوک مه ځوروئ.

ـ ترټولو غوره خوند، له خپل ځانه راضي کېدل دي.

ـ بډايه کسان سره زر د ښه والي او وړتيا څخه پورته ګڼي.

ـ په هېڅ ډول ماڼۍ کې اوسېدو ته لېوال نه يم، ځکه يوه خونه راته بسنه کوي.

ـ هر هغه څوک چې په زور او شدت سره اطاعت کولو ته اړ کړی شي، په يو ذليله موجود اوړي.

ـ د ټولو بدمرغيو منشا کمزوري او تشويش دی.

ـ هغه کسان چې وروسته له فکر او يو څو مودې څخه قول کوي، د نړۍ ترټولو خوش قوله کسان دي.

ـ پوه کس هغه څوک دی چې تل د يادولو او مالوماتو په لټه کې وي.

ـ هر هغه بدمرغي چې ماته راغلې، سبب يې دا و چې په ملګرو مې اطمينان او باور کړی دی.

ـ هر هغه څوک چې غواړي د پسرلي ښکلې هوا څخه برخمن شي، بايد د ژمي سختۍ تېرې کړي.

About محمد عزیز پردیس 278 Articles
محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي. نوموړی دمګړی له يو خصوصي انستيتوت سره د ژباړې په برخه کې بوخت دی. د ياران وېبسايټ څخه يې هر اړخيزې ليکنې او ژباړې لوستلی شئ. په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی