خواړه روغه سټه

دا څښاک ذهني ستړیا له منځه وړي

ډېری کسانو ته په دې اړه معلومات شته چې کوم ډول څښاک یې د بدن لپاره ګټور او کوم مضر دي، خو کېدای شي ځینې یې بیا په دې لټه کې وي، چې داسې طبيعي څه به هم وي چې په څښلو سره یې انسان د ارامۍ احساس وکړي، ستړیا او خپګان یې له منځه یوسي؟ که تاسو هم له دې ډلې کسانو یاست، نو ښه ده چې پوه شی.

داسې غیر الکولي مواد هم شته چې ذهن اراموي، خپګان مو له منځه وړي او په طبيعت کې په اسانۍ سره پیدا کېږي.

هغه څښاک چې ارام در بښي
دا هغه څښاک دی چې نه یوازې سټرېس او خپګان مو له منځه وړي، بلکې ذهن مو هم پیاوړی کوي.

که غواړئ ارام خوب وکړئ، یو ګېلاس ګرمې شیدې وڅښئ؛ شیدې په زیاته کچه د (تریبتوفان) په نوم امینو اسیدونه لري، چې د سټرېس او خپګان د له منځه وړو تر ټولو ښه نسخه بلل کېږي.

تودو شیدو ته که یو څه شات ور واچول شي، ګټه یې یو پر دوه کېږي، دغه راز د شیدو او شاتو یو ځای څښل په بدن کې د انتي اکسیدان اغېز هم زیاتوي.

که غواړی له عادي چای څخه هم د یوه ښه مسکن او ګټور درمل په توګه کار واخلی، نوه یوه کاچوغه شات ور زیات کړئ، له شنه چای سره د شاتو څښل هم د هغه څښاک په ډله کې راځي چې سټرېس، خپګان او دماغي ستړیا له منځه وړي.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.