سپورټ فوټبال

زابل کې د اوربند فوټبال سیالۍ؛ پرون پای ته ورسیدې

راپور: عبدالله عادل

شاوخوا یوه اونۍ وړاندي په زابل ولایت کي د اوربند په نوم د فوټبال سېالۍ پیل سوي وې چي تېره ورځ د شېخ متي فوټبال لوبډلي په ګټه پای ته ورسېدې.

د فوټبال دغه ټورنمینټ د پیوند په نوم د یوې مدني ټولني لخوا په زابل ولایت کي د اوربند په نوم جوړ سوی وو چي لس ورځي یې دوام وکړ.

IMG-20190617-WA0004.jpg

د یاد ټورنمنټ پایلوبي ته د شېخ متي او اتحاد لوبډلو لار موندلې وه چي لوبه په ټاکل سوي وخت کي یو د یو په مقابل کي په مساوي توګه پای ته ورسېده، وروسته په پینالټيو کي شېخ متي لوبډلي درې ۳ د یو ۱ په وړاندي اتحاد لوبډلي ته ماته ورکړه او د یادو سېالیو اتلولي یې خپله کړه.

تر پایلوبي وروسته په جوړ سویو مراسمو کي مقام ګټونکي لوبډلي , غوره لوبغاړي او د سېالیو لوبڅاران په جایزو سره وستایل سوه.

د لیکوال/ لیکوالې په اړه

عبدالله عادل - کندهار کې د یاران ټیم غړی