سپورټ سرسکالو فوټبال

تېره ورځ امریکا د فوټبال د نړیوال جام اتله سوه.

د امریکا د ښځو فوټبال لوبډلي د ۲۰۱۹ کال د ښځینه وو فوټبال نړیوال جام اتلولي ترلاسه کړل.

پرون په فرانسه کي د ښځو د نړیوال جام په پایلوبه کي هالینډ (نیدرلینډ) د امریکايي لوبډلي څخه ۲ پر صفر ماته وخوړه او د جام دوهم مقام لوبډله سوه.

په نیمه پایلوبو کي له امریکايي او هالینډ لوبډلو څخه د سویډن او انګلینډ لوبډلو ماتې وخوړې.

د پایلوبي څخه مخکي د سویډن او انګلینډ د لوبډلو ترمنځ د دریم مقام لپاره لوبه ترسره سوه، چي سویډنۍ لوبډلي انګلینډ ته ۲ پر ۱ ماتي سره د نړیوال جام دریم مقام ترلاسه کړ.

امریکا په دې سره د ښځینه وو فوټبال جام اتلولي د ۴ ځل لپاره ثبت کړه او د ښځینه وو فوټبال جام تر ټولو ډېره اتلولي هم د امریکايي لوبډلي په نامه ده.

امریکايي میګان راپینو د نړیوال جام تر ټولو غوره لوبغاړې انتخاب سوه.

همداراز میګان د نړیوال جام تر ټولو د ډېرو ګول وهونکي جایزه هم ترلاسه کړه.

پدې نړیوال جام کي هالینډۍ ساري وان وینینډال غوره ګول وهونکې او جرمنۍ جیولیا ګوین تر ټولو د ځواني لوبغاړي جایزې خپلي کړې.

د ښځینه وو په دې نړیوال جام کي ټول ټال ۲۴ لوبډلي په ګروپي شکل ولوبول سوې، چي په یادو ۲۴ لوبډلو کي ۹ اروپايي، ۶ امریايي، ۵ آسیايي او درې افریقايي لوبډلي او یوه هم نیوزلینډۍ لوبډله وه.

د ښځینه وو فوټبال جام له نن څخه ۲۸ کاله مخکي د فوټبال د نړیوالي ادارې یا فیفا لخوا رامنځ ته سو، چي د نارینه د فوټبال د نړیوال جام په څېر په څلورو کلنو کي یو ځل ترسره کیږي.

له ۱۹۹۱ کال راهسي امریکا څلور ځلي، جرمني دوه ځلي، چاپان او ناروې یو یو ځلي د ښځو د فوټبال نړیوال جام ګټلئ دئ.

 

 

 

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.