خواړه روغه سټه

د انګورو اوبه وڅښئ چې حافظه مو قوي شي

ژباړه: محمد عزيز پردېس

امريکايي څېړونکو د خپلو څېړنو په ترڅ کې دا ثابته کړې ده چې د انګورو اوبه د حافظې په غښتلتيا کې رغنده رول لوبوي او همدارنګه د حافظې د کمزورۍ مخه هم ډب کوي.

د سينسيناټي پوهنتنون څېړونکو د پلې فنول په نړيوال کنفرانس کې وویل: په انګورو کې شته انتي اکسيدان کولی شي چې مغزي وړتياوې لوړې کړي او د حافظه کمزورۍ مخه ونيسي.

نوموړو محقيقونو د دې مطلب د جزئياتو په اړه وويل: موږ د انګورو د اوبو اغېز د ۱۲ ناروغانو ترمنځ چې عمرونه يې د ۷۵ – ۸۰ کلونو پورې و وڅېړه. دا هغه کسان و چې د حافظې د کمزورۍ څخه يې رنځ وړه.

دغه ګډون کوونکي په دوه برخو ووېشل شوه، د دغو دوه ډلو څخه يوې ډلې ته د ۱۲ اونيو په اوږدو کې د ۱۰۰ فيصده خالصو انګورو اوبه ورکړل شوې او دويمې ډلې ورنکړل شوې.

د دې څېړنې په پايله کې څېړونکو اعلان وکړ چې، هغه ډلې چې ۱۲ اونۍ يې په پرلپسې توګه د انګورو اوبه څښلې په سلو کې ۷۵ سلنه يې حافظې غښتلې شوې وې.

د تلګراف د راپور په اساس، نوموړو څېړونکو همدا راز دا هم وويل چې: ( زموږ د څېړنو پايلې ښيي چې د لوړ عمر خاوندان که د مېوو او ترکارۍ څخه ګټه پورته کړي، نو دوی سره به د حافظې په غښتلتيا کې ډېره مرسته وکړي.)

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی