مخکښان

د امریکا د لومړي ولسمشر څو ویناوې

د امريکا د لومړني ولسمشر، انقلابي رهبر، نوموتي سياستمدار او پوځی جنرال جورج واشنګټن په زړه پورې ويناوې

ژباړه: محمد عزیز پردېس

 هر هغه کسب چې انسان پکې وشي کولی خپل هېواد ته خدمت وکړي، د افتخار وړ دی.

 په خپله دنده کې پاتې کېدل او سکوت اختيارول، د تهمت پروړاندې غوره ځواب دی.

 له قمار څخه لرې والی اختيار کړه؛ ځکه قماربازي د شيطان کار دی.

 وجدان د هغې هېندارې په څېر دی چې نه چاپلوسي کوي او نه مو رټي.

 مزاحم مېلمانه له ځانه مه شړه او خپله هم د نورو لپاره مزاحم مېلمه مه اوسه.

 د دوستۍ رښتينی نيال ورو ورو لويېږي.

 خپل نظر او ستونزه دې مخکې له دې چې درڅخه يې وپوښتي، بيان کړه.

 هغه کسان چې حاضر نه دي چې د خپلواکۍ بيه ادا کړي، د خپلواکۍ لياقت نلري.

 کله چې د خپلواکۍ نيال ريښې ونيسي، نو په چټکۍ سره وده کوي.

 هڅه وکړه چې زيرکه واوسې او د ژوند په اموراتو کې دې رازونه چاته مه څرګندوه.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی