سپورټ وزش او تمرین

ټرمپ د امریکا د افسانوي مسلمان سوک وهونکي محمد علي په پس مرګي بښلو غور کوي

د امریکا ولسمشر وایې، د امریکا د افسانوي مسلمان سوک وهونکو محمد علي د سزا پر بښلو فکر کوي.

محمدي علي کلی د امریکا نامتو تور پوستی مسلمان سوک وهونکی و چې د ویتنام په جګړه کې له ګډون څخه په انکار مجرم پیژندل شوی و.

د امریکا د متحده ایالاتو ولسمشر ډونالډ ټرمپ اوس ویلي دا چې محمد علي د امریکا په فوځ کې د وظیفې څخه انکار کړی خو اوس د هغه سزا کیدی شی معاف کړي. هغه ویلي د محمدي علي او څو نورو کسانو په اړه جدي غور کوي او فکر کوي چې د دوی په مجرم پیژندلو کې نا انصافې شوې ده.

ډونالډ ټرمپ مخکې تر دې چې د G7 غونډې د دوام لپاره کاناډا ته ولاړ په سپنه ماڼۍ کې یې ژورنالیستانو ته په دې تړاوو وویل چې د محمد علی د سزا په تړاو فکر کوي او وروسته له ښه غور به خپله فیصله وړاندې کوي.

د نړۍ نامتو سوک وهونکي محمد علي په کال ۱۹۶۷مېلادي کې د ویتنام جګړې ته له تګ څخه انکار کړی و، او د همدې امله مجرم پیژندل شوی و.

په هغه وخت کې هم محمد علی ته سزا اورول شوې وه خو بیا د هغه وخت سترې محکمې ورته په یوه تاریخي پریکړه کې معاف کړه.

د محمد علی د کورنۍ یو وکیل رسنیو ته ویلي چې اوس د دې ضرورت نه لیدل کیږي چې دي امریکا ولسمشر د محمد د سزا په تړاوو خبرې او یا پرېکړه وکړي ځکه دی وایې چې په کال ۱۹۷۱مېلادي کي د امریکا سترې محکمې د هغه سزا معاف کړې وه.

په یوه مرکه کې د وکیل ران ټویل زیاته کړې ده چې دوی د ډونالډ ټرمپ د احساساتو قدردانی کوي، خو اوس په دې تړاوو غږیدل غیر ضروري دي، ځکه چې محمد علی ته د په کال ۱۹۷۱میلادي کې د امریکا سترې محکمې د یوې پرېکړې له مخې د هغه سزا معاف کړې وه.

محمد علی په ۲۰۱۶ميلادي کال کې له دې نړۍ د تل لپاره سترګې پټې کړې .

محمد علی په کال ۱۹۶۷ميلادي کې د ویتنام په جګړه کې له ګډون څخه انکار کړی و او ویلي وه چې دی د ویتنام سره کومه جګړه نه لري، چې له هغې وروسته د نوموړي ډېر امتیازات واخیستل شوه او هغه وخت ورته د پنځه کلونو د بند سزا هم اعلان شوه، خو د نوموړي له درخواست وروسته بېرته سترې محکمې د پنځه کاله بند پرېکړه واخیسته او دی یې معاف کړ.

محمد علی د بوکس وهني د نړۍ یو افسانوي اتل دی چې په کال ۱۹۴۲میلادي کې زیږیدلی او په ۲۰۱۶ کال کې یې د جون په درېمه یې د ژوند پور ادا کړ.

له فیسبوک تبصرې

تبصرې

د لیکوال/ لیکوالې په اړه

ابوبکر عليزی