ټولنیز ژوند ژوند بڼه

تقلید پریږدئ، خپله اوسئ

ژباړه او زياتونه: محمد عزيز پردېس

مه پرېږده چې د نورو ناوړه چلند ستا اصالت او طبيعت ګډو‌ډ کړي.

که د هرې جفا ځواب بدي وي، نو زموږ د ژوند داستان به د ښو کسانو څخه خالي و.

که نشې کولی د چا د ژوند لپاره ښه کس واوسې، که نورو ته خپلې ښې کړنې نشې زده کولی، که دې ښه وکړل او بد دې وليدل… ترې تېر شه، خو هېڅکله هم بد کېږه مه!
هو! دا يوازينی کار دی چې ستا له لاسه کېږي او شونی دی.

حد اقل د خپل ځان لپاره غوره واوسه او د وجدان سره دې ارامه خوب وکړه.

د انسانانو يوه تېروتنه دا ده په هغو کسانو چې اصلا شخصيت نلري او د دوستۍ وړ نه دي، خو بيا هم پرې حساب کوي. هماغه يو متل دی چې وايي: آزمودن را آزمودن خطاست.

داسې ملګري او څيزونه وټاکه چې واقعا اهميت او ارزښت ولري او د همغو لپاره وخت تېر کړه. ځيني څيزونه په رښتيا هم چې ډېر مهم وي. کله ناکله پروپاګندونو او شايعاتو ته اهميت ورکول د دې لامل ګرځي چې ستاسو ذهن ستاسو د واک څخه بهر کړي او ځان ته مو د نورو په څېر وګورئ.

دا ومنه چې خبرې يوازې خبرې دي: که د يو چا له خبرو څخه ډېر خپه شوې او يا هم درباندې بدې ولګېدې، د کاغذ پر مخ يې وليکه، ويې سوزوه او د تل لپاره يې هېر کړه.

هڅه وکړه چې خپله ( خپله ) واوسې، د نورو له تقليد څخه لاس واخله.
غزلبول شاعر ارواښاد استاد محمد صديق پسرلي داسې ويلي و:

نورو پسې تلل سړی خړ مخى کړي
ګرد د لارې وګوره د شپون پر مخ

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی