له نړۍ مخکښان

د نړۍ د څو نوموتو اشخاصو تلپاتې ویناوې

ژباړه: محمد عزيز پردېس

۱- د ژوندانه ترټولو لوی درس دا دی چې کله ناکله جاهلان رښتيا وايي. (وينسټون چرچېل)

۲- رښتينولۍ سره مينه ولره او تېروتنه اوبښه. ( ولټر )

۳- د يوه هېواد د شاته پاتې کېدو دوه لاملونه دي: د هوښيارو او لايقه کسانو نشتون او خصوصاً د حکومت په راس کې د همداسې کسانو نشتون. ( ولټر )

۴- په نابغه کسانو کې د تخيل د نيرو شتون يو اساسي عنصر دی. ( شوپنهاور )

۵- تجربه تل د انسان په ګټه نه وي، ځکه هېڅ يوه پېښه دوه ځلې په يوه بڼه نه رامنځ ته کېږي.
( وينسټون چرچېل )

۶- د بشر په تراژيديو کې د رياکارۍ څخه لويه ګناه بله نشته. ( فرانسيس بيکن )

۷- ناتوانه کس نشي کولی چې رښتيا ويوونکی واوسي. ( البرماکو )

۸- ترټولو بدبخته انسان هغه دی چې په نه پرېکړه کولو عادت شوی وي. ( ويليام جيمز )

۹- د ناپوهانو په پرتله بايد د متقلبينو څخه ډېره وېره وشي. ( ملکه کرېستينيا )

۱۰- انسان هغه حيوان دی چې پوهېږي، مري. ( انډره مالرو )

۱۱- بشر چې کله له هيلې، خوب او خيال څخه لرې پاتې شي، نو مړ يې وبوله ( سقراط )

۱۲- لوی سړی په خپل ځان سختي راولي او کوچنی يا کمزوری په نورو. ( کنفسيوس )

۱۳- عوام د شتمنو خلکو احترام کوي او خواص د پوهانو. ( افلاطون )

۱۴- خپل نعمتونه وشمېره، نه محروميتونه. ( ديل کارنګي )

۱۵- ستاسو څېره هغه کتاب دی، چې خلک کولی شي ترې عجيب څه زده کړي. ( ويليام شکسپير )

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی