ټولنیز ژوند مخکښان

د نابغه علامه سيدجمال الدين افغان په زړه پورې ویناوې

اعلان

ژباړن او راټولوونکی: محمد عزيز پردېس

فکري خپلواکي او بيان نه ورکول کېږي، اخېستل کېږي. د يوه هېواد خپلواکي او استقلال يوازې په وينا نه ترلاسه کېږي.

********
موږ نشو کولی چې حقايق په ګمان، خيال او شک سره له منځه يوسو.

********
د پستۍ او حقارت انتخابول د عزت او وقار په پرتله اسانه دي.

********
ډېر لږ داسې پېښېږي چې حق پرته له زحمت څخه ترلاسه شي.

********
ملت پرته له اخلاق څخه نابود دی او اخلاق پرته له عقيدې څخه کومه لاسته راوړنه نلري او عقيده پرته له پوهې او علم څخه عقيده نه ده.

********
د ملتونو د اعمالو تر ټولو غوره تله د هغوی اخلاق دی.

********
د حکمت پلټونکي ډېر دي، خو عملي کوونکي يې کم دي.

********
که ناپوهان او جاهلان حاکمان شي، نو د ټولنې نظم او نسق له منځه ځي.

********
هغه څوک چې د خرڅلاو لپاره خس راټولوي، له هغه شخص څخه غوره دی چې سره زر زېرمه کوي.

********
پوه هغه څوک دی، چې څه چې د ځان لپاره مناسب ګڼي؛ بل ته يې هم مناسب وګڼي.

********
هرکله چې انسان خپل ځان سره محاسبه وکړي، څرنګه چې نورو سره محاسبه کوي؛ نو په دې صورت کې به د هغه تېروتنې کمې شي او کمال ته به نږدې شي.

********
لويديځ ته لاړم اسلام مې وليده، خو مسلمانان مې ونه ليدل؛ راغلم ختيځ ته، دلته مې مسلمانان وليدل خو مسلماني مې ونه ليدله.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی