سپورټ وزش او تمرین

د آزادې مبارزې یوه افغان لوبغاړي برازایلی سیال مات کړ

اعلان

د آزادې مبارزې تکړه افغان لوبغاړي نصرت حقپرست د څلورم ځل لپاره د یو اف سي په نړیوالو او مهمو لوبو کي برازیلي سیال ژاکویم سیلوا ته ماته ورکړه.

د افغان او برازیلي لوبغاړي ترمنځ دا لوبه پرون ماخستن د امریکا په نیویارک آیالت کي په پرودینشل سنټر لوبغالي کي ترسره سوه، چي ۱۸ زره نندارچیان ځایوي.

نصرت حقپرست په پرونۍ لوبه کي خپل برازیلي سیال ژاکویم سیلوا ته د لوبي په دوهم پړاو کي ماته ورکړه او د یادي لوبي په ګټلو سره ئې ۵۰ زره امریکايي ډالره جایزه هم خپله کړه.

دې ۲۴ کلن افغان لوبغاړي تر دې مخکي د ام ام اې په حرفه ئې لوبو کي ۱۰ بریاوي او دوې ماتي خوړلي دي، چي ۸ لوبغاړي ئې ناک اوټ کړي دي او دوه سیالان ئې بیا په ښه نمرو مات کړي دي.

برازیلی سیال سیلوا د حقپرست نهم لوبغاړی وو، چي ناک اوټ ئې کړ.

د حقپرست پرونی برازیلی سیال سیلوا بیا ۳۰ کلن دی، چي ۱۱ بریاوي او ۲ ماتي له ځان سره لري.

د حقپرست دا څلورم ځل وو، چي د یو اف سي د قفس په سیالیو کي ئې ګډون وکړ، هغه تر دې مخکي په یاد قفس کي فرانسوي تیبات ګوتي او انګلستاني مارک دیکیسي ته ماته ورکړې ده، خو د پولنډي مارسین هیلد څخه ئې بیا ماتي خوړلې ده.

حقپرست د آزادو سیالیو د لومړي نړیوال رنګینګ ملاتړ هم له ځان سره لري، په هغه کي بل افغان لوبغاړی سیر بهادرزاده هم شامل دئ.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.