ټولنیز ژوند مخکښان

د سقراط لنډ او په زړه پورې نصيحتونه

اعلان

ژباړه: محمد عزيز پردېس

ـ پاکه پوهه په ناپاکه زړونو کې ځای نه نيسي.

ـ که غواړې نړۍ وپېژنې نو، خپل ځان وپېژنه.

ـ يوازې يو خير شتون لري چې هغه پوهه ده او يوازې يو شر شتون لري چې هغه ناداني ده.

ـ بشپړ انسان هغه دی چې دښمنان يې له هغه څخه په امان کې وي، نه دا چې ملګري يې ترې وډار شي.

ـ نېکمرغه انسان هغه دی چې هر ناوړه کار ترې ترسره شي، نو نوې تجربه ترې زده کوي.

ـ په فساد کې چې کوم خوند دی، ورته مه خوشحالېږئ او په دې يوازې فکر وکړئ چې خوند نه پاتې کېږي او هغه څه چې پاتې کېږي فساد دی.

ـ يوه ټولنه هغه وخت د نېکمرغۍ او سعادت په لور درومي چې مطالعه يې ورځينی عادت او کار وي.

ـ خپل مور او پلار سره هغسې چلند وکړه چې څرنګه يې له خپلو اولادونو څخه هيله لرې.

ـ اراده لرونکي کسان غوسې او دښمنۍ ته لار نه ورکوي.

ـ د هر کار د پايلې په اړه فکر کول، نېکمرغي ده.

ـ د غوسې دوا، چوپتيا ده.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی