کلتور او هنر

وير زهرا ۱۴ کلن شو؛ د پریټي زینټا او شاه رخ خان د مینې داستان

لیکنه: مدثر دعوت

ليکنه: مدثر دعوت

وير زهرا؛ د دوو عاشقانو يوه داسي کيسه چي د دوی يوځای کيدل پکښې ناممکنه وه خو ددوی ريښتينولۍ هيڅ قانون ته دا موقع ورنکړل چي دا عاشقان سره بيل کړي.

۱۴ کلونه وړاندي د يش چوپړا په ډايريکټرۍ د شاه رخ خان او پريتي زينتا فلم د ۲۰۰۴ز کال د نومبر په ۱۲مه نيټه بازار ته وړاندي سو.

په فلم کي شاهرخ خان يو هندی پيلوټ دی او پريتي زينتا يوه پاکستانۍ پيغله ده.
د پريتي نوم په فلم کي زهرا حيات خان ده اوشاهرخ خان بيا وير پرتاب سينګ نوميږي.
زهرا دخپل انا د وصيت سره سم د هغې ترمرګ وروسته يې خاوري هندوستان ته وړلې، ترڅو د ګنګا په مشهور سيند کي يې توی کړي، خو په لار کي موټر پيښه کوي او د اکثريت مسافرين زخميان کيږي، وير د طيارې له لاري د نورو سپرليو سره يو ځای زهرا هم تر روغتون پوري رسوي.

وروسته کيسه اوږديږي،او ان شاه رخ خان يې تر پاکستان پوري ورسوي، وير په پاکستان کي نيول کيږي او بې له محکمې د هندي جاسوس په تور تر ۲۲ کلنو کي بې سرنويشته په بند کي تيروي.

وير، د میني، جلاوطنۍ، زړورتیا او قربانۍ په غم کي ډير وځوريدی، هيله يې ختمه سوې وه داسي فکر يې کوی چي مرګ به يې هم په همدې محبس کي وي.

راني مکرجي پدې فلم کي مدافع وکيله ده، دا تر دوړو لاندي دوسيه راباسي او د ۷۸۶ په نوم بندي د حقوقو د دفاع لپاره مبارزه پيلوي،پداسي حال کي چي موضوع د دوو هيوادونو ترمنځ وه، دوسيه څيړل کيږي او تر ددويشت کلونو وروسته وير بيګناه ثابتيږي، خو لا يې هم معشوقه ورته انتظار وه.
د شاهرخ خان پلار او مور(اميتاب بچن او هيماملاني) نور په نړۍ کي نه وه.

په هرصورت،دادی د وير زهرا دفلم ۱۴ کلونه پوره سول خو ټولي سندري يې مخکي لا د داورانو له لوري سوپرهيټ يادي سوي وې.
وير زهرا فلم ۷ جايزې وګټلې چي د کال دغوره فلم، غوره نارينه اداکار او غوره ښځينه اداکاري جايزې پکښې شاملي وې.

پريتي زينتا په خپل ټويټ کي د يش چوپړا يادونه کړې او ويلي يې دي چي خوشهاله يم دداسي غوره فلم يوه برخه يم. د شاه رخ خان او راني مکهرجي څخه يې هم مننه کړې.

د روان کال د ډسمبر مياشتي په ۲۱مه نيټه دشاه رخ خان نوی فلم د زيرو په نوم ريليز کيږي چي انوشکا شرما او کټرينا کايف هم ورسره دي.

د زيرو فلم ټريلر کابو يوه اونۍ مخکي ريليز سو چي د نړيوالو پام يې ځانته راواړوی، د نړۍ مشهورو څيرو خوښ کړ او ډير زيات ريکارډونه يې مات او جوړ کړل.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورتي برخه کې لیکنې کوي. په یاران کې د ښاغلي مدثر د لیکنو د بیا خپراوی حق له یاران سره خوندي دی.