رسنۍ

زندانیانو په زندان کي د شطرنج نړیوالي سیالۍ ترسره کړې

اعلان

د روسیې د زندانیانو لوبډلي د زندانیانو ترمنځ د جوړو سوو نړیوالو شطرنج سیالیو اتلولي خپله کړه.

د زندانیانو ترمنځ د شطرنج دا نړیوالي لوبي د ۷ هیوادونو ترمنځ د امریکا شیکاګو ښار په کوک کانتي زندان کي د زندانیانو ترمنځ ترسره سوې، چي پکښي روسي زندانیانو لومړی مقام خپل کړ.

روسیې یاده اتلولي د ۲۲،۵ نمرو په خپلولو سره ترلاسه کړه.

په دې سیالیو کي د روسیې سربېره د کوربه آمریکا، آرمنستان، بلاروس، انګلستان، برازیل او ایټالیا هیوادونو څخه د شطرنج زنداني لوبغاړو ګډون کړی وو.

د یادو هیوادونو څخه ۱۲۰ زندانیانو یو د بل په وړاندي د شطرنج سیالۍ ترسره کړې.

د دې ۱۲۰ تنو لوبغاړو له ډلي ۱۵ تنه تکړه لوبغاړي غوره سول، چي یاد لوبغاړي به په راتلونکي کي په لوړه سطحه لوبي ترسره کړي.

د زندانیانو ترمنځ دا لومړی ځل ندی دی، چي د شطرنج نړیوالي لوبي ترسره کیږي.

تر دې مخکي په ۲۰۱۳، ۲۰۱۶ او ۲۰۱۷م کلنو کي هم د زندانیانو ترمنځ د شطرنج لوبي ترسره سوي وې.

د ۲۰۱۳ او ۲۰۱۶ کلنو لوبي په روسیه کي، خو د ۲۰۱۷ کال سیالۍ بیا په برازیل هیواد کي ترسره سوې.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.