رسنۍ

د سارا علي خان د کامیاب فلمي ژوند پيل،باغي۳ فلم کې ورته د کار کولو وړاندیز شوی

لیکنه: یاران هنر

د خپل لومړي فلم څخه شهرت موندونکې او کامیابې ځوانې اداکارې سارا علي خان ته باغي فلم په دریمه برخه کې د کار کولو وړاندیز شوی.

د باغي فلم لارښود او جوړونکې پرېکړه کړې چې (باغي۳) فلم کې به د فلم د مرکزي رول سارا علي خان ته ورکړي.

د هندوستانۍ سېنما د کشري خان سیف علي خان لور سارا علي خان په خپل لومړي فلم (کیدرتاتهـ) کې د ښه کار کولو له امله شهرت ومونده او د ډېرو خلکو سترګې یې خپل ځان طرف ته واړولې.

اداکاره علي خان په دې ورځو کې د خپل لومړني فلم (کیدرناتهـ) د کامیابۍ جشنونو په لمانځلو مصروفه ده او د خپلي لومړي فلم سره د مینوالو سره سره د فلم جوړونکي او فلم لارښوونکي هم له خپل ځان څخه متاثره کړي دي.

د فلم باغي پروډیوسر ساجد ناډیاډ والا هم د نوموړې فلم ستورې د ښې اداکارۍ له امله متاثره شوې، د نوموړې سره يې د هغې د خوشحالۍ ځان شریک ښودلی او ورته یې د فلم باغي په راتلوونکې برخه کې د کار کولو وړاندیز کړی دی.

هندوستانۍ رسنیو د رپوټونو له مخې، د باغي فلم جوړونکي ساجد ناډیاډ والا ته نژدې سرچینو هم منلې چې د د دغه فلم په درېيمه برخه کې سارا علي خان ته د کار کولو وړاندیز شوی دی.

که چېرته سارا دغه وړاندیز ومني نو د نوموړي لومړی غټ فلم به وي چې کار په کې کوي.

سارا خان په یوه مرکه غواړي په راتلوونکي کې مختلف رولونه ولوبوي تر څو د یوې ښې تجربې مېرمنه شي.

باید روښانه شي چې فلم (کیدرناتهـ) کې د ښې اداکارۍ وروسته ساره علي خان ته مشهور فلم لارښود روهیت شیټي په یوه بل فلم (سمبا) کې هم چانس ورکړ او په دغه فلم کې هم نوموړې اداکارې ښه رول ولوبولو.

اټکل دی چې دغه فلم به د روانې ډسمبر میاشتې په ۲۸ تاریخ د سېنما په پردو روښانه شي.

د لیکوال/ لیکوالې په اړه

یاران هنر