سیاست له نړۍ

عجیبه ډالۍ؛ شمالي کوریا جنوبي کوریا ته ۲ سپین سپي واستول

لیکنه: بشر درویش

د شمالي کوریا واکمن کیم جونګ اون، له محدودو سیاستوالو څخه دی، چې نیږدې هرکار یې عجیب و غریب او د نړیوالو رسنیو د ډېر پام وړ وي.

کیم جونګ اون، دا ځل خپل مخالف ګاونډي هېواد (جنوبي کوریا) ته د دوو سپینو سپینو له ډالۍ کولو سره د نړیوالو رسنیو پام خپل کړی.

د سولې د هڅو دوام

د سپیو؛ هغه هم د سپین رنګو د ډالۍ کولو دلیل له جنوبي کوریا سره سولې ته د شمالي کوریا لېوالتیا ښودل شوې.

دواړه کوریاګانې، چې د اوږدې دښمنۍ سابقه لري، په وروستیو کې د سولې پر لور یې هڅې ګړندۍ شوي.

په دې برخه کې د نورو هڅو ترڅنګ د دواړو هېوادونو مشرانو په تېر اپریل میاشت کې د خپلو ګډو پولو په صفري نقطه کې سره ولیدل.

له دغې لیدنې سره د دواړو کوریاګانو د سږنیو لیدنو شمېر درېیو ته ورسېد.

 

View this post on Instagram

 

마루야, 잘 있었니? 심심했지? 보고 싶었어. #문재인 #풍산개 #개스타그램

A post shared by 문재인 (@moonjaein) on

د سپیو ځانګړنې

ډالۍ شوي سپي د پونګسان له نژاده دي او سرچینه یې دواړه کوریاګانې دي.

دغه سپي، د حیواناتو په ښکار او وفادارۍ کې نړیوال شهرت لري.

دا ډول ۲ نور سپي د شمالي کوریا د واکمن پلار او پخواني واکمن کیم جونګ ایل، د جنوبي کوریا د هغه مهال واکمن کیم داي جونګ ته په ۲۰۰۰ کال کې ډالۍ کړي وو.

هغه سپي، د جنوبي کوریا په پلازمېنه سیول کې ساتل کیدل، خو ۵ کاله مخکې د ۲۱ اولادونو له زېږولو وروسته په طبیعي مرګ مړه شول.

د لیکوال/ لیکوالې په اړه

بشر درویش

بشر درویش د یاران د کاري ټیم غړی دی، چې پر بیلابیلو مسلو د یاران لپاره راپورونه او مطالب چمتو کوي