سپورټ کورنی کرکټ

له ۹ میاشتني ځنډ وروسته نیوزیلینډی بالر بیرته لوبډلې ته راستون شو !

 د نیوزیلینډ د کرکټ ملي لوبډلې الراونډر لوبغاړی میچل سینټنر د ۹ میاشتني ځنډ وروسته بیرته خپلې ملي لوبډلې ته راستون شو.

د کرکټ نړیوالې شورا د ویب پاڼې د راپور په اساس نوموړی د هندوستان خلاف راتلونکو سیالیو ته د نیوزیلینډ کرکټ ملي لوبډلې په نوملړ کې شامل شوی دی.

 د نیوزیلینډ او هندوستان د کرکټ ملي لوبډلو ترمنځ راتلونکې اونۍ د ۵ یو ورځینیو ۵۰ اوریزه سیالیو لړۍ پیل کیږي، چې ورته د ټپونو له کبله د لوبډلې څخه یو شمیر لیرې شوي لوبغاړي بیرته نیوزیلینډۍ لوبډلې ته را غوښتل شوي دي.

 په راستنو شویو لوبغاړو کې چپ لاس توپ وهونکی ټام لیتیم، الرواڼدر میچل سینټنر او ښی لاسی توپ وهونکی کولین ډیګرین هومي شامل دي.

 دواړه ټام لیتم او کولین ډیګرین هومي د سریلنکا خلاف وروستي سیریز کې د لوبډلې څخه لیرې شوي و، خو اوس بیرته په ۱۴ کسیزه لوبډله کې ځای ورکړل شوی دی.

 له بلخوا د سپین توپ اچونې الراونډر میچل سینټنر، چې تیره اونۍ د سریلنکا خلاف په یواځینۍ ۲۰ اوریزه سیالۍ کې هم ولوبید، د د زنګون د ټپونو له کبله د ۹ میاشتني ځنډ وروسته د هندوستان خلاف د راتلونکو ۵ لوبو لړۍ لمړۍ درې لوبو ته راستون شوی دی.

 ټاکل شوې د هندوستان او نیوزیلینډ خلاف د راتلونکې چهار شنبې په ورځ د ۵ لوبو لړۍ په نیوزیلینډ کې پیل شي، په داسې حال کې چې اوس مهال هندۍ لوبډله د اسټرالیا خلاف  د سبا ورځ وروستۍ دریمې ۵۰ اوریزه کیدونکې سیالۍ ته انتظار ده.

د لیکوال/ لیکوالې په اړه

احسان الله ساپی