سپورټ وزش او تمرین

د موتای افغان لوبغاړي د نړيوالو سیالیو لپاره ټایلینډ ته ولاړل

اعلان

راپور: صابر حمیدي

د افغانستان د موتای ملي لوبډله د موتای په نړیوالو سیالیو کي د ګډون په موخه پرون د پنجشنبې په ورځ د ټایلینډ هیواد ته ولاړه.

د موتای دا نړیوالي لوبي نن د جمعې په ورځ د ۱۰۷ هیوادونو ترمنځ د ټایلینډ هیواد په بانکوک ښار کي پېلیږي.

د افغانستان د بدني روزني عمومي ریاست مسئولین وايي، چي په دې سیالیو کي ۱۱ افغان لوبغاړي برخه اخلي، چي له ډلي ئې ۲ ښځینه او پاته نارینه لوبغاړي دي.

د دوی په خبره، چي یادي دوې ښځينه لوبغاړي حفیظه بهمني او فرشته شیرزاد دي، چي د افغانستان لپاره ئې په مخکنیو سیالیو کي مډالونه راوړي دي.

د یادو ۱۱ افغان لوبغاړو سره په دې سفر کي دوو روزونکو او یوه لوبڅار هم ګډون کړی، چي روزونکي به د لوبغاړو مدیرت پر مخ وړي او لوبڅار به بیا د لوبو قضاوت کوي.

د افغانستان د موتای لوبډلي تر دې مخکي په ۲۰۱۶م کال کي د روسیې په کازان ښار کي سیالۍ ترسره کړې، چي ۳ د برنزو مډالونه ئې خپل کړي وه.

په کابل کي د موتای فدارسیون مسئول هیله وښوده، چي افغان لوبډله به په دې سیالیو کي ښې لوبي ترسره کړي.

 

 

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې