سپورټ نړیوال کرکټ

جالیبه نه ده؟ په کرکیټ نړیوال جام کي یوازي یو لوبډلمشر توپ اچوونکئ دئ.

کرکیټ د فوټبال په پرتله یو د ښه ذهن او ښه فکر کڼترولوونکې لوبه ده، چي تر ډېره دا کار په کرکیټ کي د توپ وهونکو په برخه وي.

په کرکیټ لوبډله کي دا مسؤلیت ځکه د توپ وهونکي او یا الراونډر وي، چي هغه د توپ اچوونکي په پرتله جسماً په لوبه کي هوسا وي او لوبه ښه کنټرولولای سي او رهبري کوي یې.

لوبډلمشري یو ډېر سخت کار دئ، چي د لوبي په ګټلو کي زیاته سلنه رول لوبولای سي.

د کرکیټ په لوبه کي توپ وهونکی نسبتاً توپ اوچوونکي ته هوسا او آرام وي، چي یو لامل یې دادئ چي د توپ اچوونکي په څېر د ډګر ساتني پر مهال نه وي ستړی.

هو؛ یو توپ اچوونکی ددې ستړي دندي ترڅنګ د یوې لویي لوبډلي لوبډلمشري په غاړه لري، چي پواسطه یې نړیوال قوي لوبډلو ته سختي ماتي هم ورکړي دي.

مشرفي مرتضی یادوو؛ چي د بنګله دېش لوبډلي سره په سږ نړیوال جام کي لوبډلمشري په غاړه لري، چي تر دې مهاله یې خپلي لوبډلي ته درې مهمي لوبي هم ګټلي دي.

یادي لوبډلي د مرتضی په مشرۍ اووه لوبي کړي، چي درې یې بیا بایللي او یوه لوبه یې د باران له امله لغوه سوې، خو لوبډله یې اوسمهال د نړیوال جام د جدول په لسو غورو کي ۵ درجه ده.

تر دې مهاله د نړیوال جام ۴ غوره لوبډلي هند، انګلینډ، نیوزلینډ او اسټرالیا دي، چي د لوبډلو لوبډلمشران یې توپ وهونکي دي.

په نړیوال جام کي یوازي دوه لوبډلمشران د افغانستان او ویسټ انډیز دا الراونډران دي، چي توپ وهنه او توپ اچونه دواړه ترسره کوي.

د پاکستان، سریلانکا او سوت افریقا لوبډلمشران هم توپ وهونکي دي.

مشرفي مرتضی له ۲۰۱۰ کال راهسي د بنګله دېش د ملي لوبډلي لوبډلمشري په غاړه لري.

نوموړي په ۸۳ لوبو کي بنګله دېش ته ۴۷ لوبي ګټلي دي، چي په یو ورځنیو لوبو کي یې د ګټلو سلنه ۵۸،۲ ده.

نوموړی اوسمهال ددې ترڅنګ د بنګله دېش د شل اوریزو لوبو او ټیسټ لوبو لوبډلمشر هم دئ.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.