ټولنیز ژوند مخکښان

د نېکمرغۍ په اړه د نړۍ د نوموتو لويانو او پوهانو په زړه پورې خبرې

اعلان

ژباړه: محمد عزيز پردېس

ـ د نورو اوښکې په مسکا اړول، ترټولو غوره نېکمرغي ده.
بودا

ـ انسان به تر هغو نېکمرغه نشي، ترڅو چې د نورو د خوښۍ لپاره هڅه ونکړي.
دوسن پير

ـ نېکمرغي يو توپ دی، کله چې وغورځي؛ ورپسې منډې وهو او کله چې ودرېږي، په لغتو يې وهو.
شانو بريان

ـ نېکمرغي هغه توکی يا څيز دی چې طبعيت يې په لوړ قيمت په موږ پلوري.
ولتر

ـ نېکمرغه هغه څوک دی چې اوسني وخت ته ارزښت ورکوي او ځان ته وايي: زه نن خوښ او د سبا لپاره هيله من يم.
ورايډن

ـ موږ د سيندونو په څپو او د سړکونو په لوړو او ژورو کې نېکمرغۍ پسې ګرځو، په داسې حال کې چې نېکمرغي همدلته ده.
هوارس

ـ د شريرو او بدو خلکو څخه واټن اخېستل، د نېکمرغۍ دريڅه ده.
بټهوون

ـ هغه څوک چې په لږو نه نېکمرغه کېږي، نو په هېڅ څه سره به نېکمرغه نشي.
اپيکور

ـ نېمکرغي يانې د روزګار له پېښو سره هماهنګي او جوړښت.
ګوستاو فلوبر

ـ انسان ته روغتيا او شتمني دواړه ورکړئ، هغه به دواړه د نېکمرغۍ په لټه کې له لاسه ورکړي.
ايونينګ هرالډ

– په نړۍ کې د دوامداره او پاکې مينې په پرتله هېڅ غوره نېکمرغي بله نشته.
موريس مټرلينګ

ـ ډېری کسان نېکمرغي د هغه کس په څېر لټوي چې خولۍ يې پر سر وي، خو دی ورپسې سرګردانه ګرځي.
لناو

– له بده مرغه يوازينی پوښتنه چې تقريبا هېڅوک نشي کولی ځواب ورته ورکړي دا ده؛ نېکمرغي څه ده؟
براډلي

ـ نېکمرغي د عقلاني ژوند پايله ده.
باروخ سپينوزا

– نېکمرغي عادت دی، ورته وده ورکړئ.
البرت هوبارډ

ـ بشر د دې لپاره خلق شوی چې نېکمرغه وي.
سامويل جانس

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی