ټولنیز ژوند ژوند بڼه

که تاسې هم مینه ناک خلک یاست، نو دا ځانګړنې به لرئ

د ژوند هرې شېبې څخه خوند اخلي،
د هر فرصت او موکې لپاره له الله تعالی څخه مننه کوي،
هره شېبه بې اختياره مُسکا کوي،
تل د نورو موجوداتو او طبعيت سره د پيوستون احساس کوي،
تل د هر ډول تشويش او نګرانۍ د له منځه وړلو په هڅه کې وي،
د هر ډول جنجال او جګړې سره علاقه نه ښيي،
د نورو په اړه د هر ډول قضاوت کولو سره علاقه نلري،
د ځان په اړه د هرډول قضاوت څخه ډډه کوي،
د دې سره علاقه نلري چې د نورو د کارونو په اړه فکر وکړي او لاملونو پسې يې وګرځي،
د دې سره علاقه نلري چې تېر بد يادونه تازه کړي،
تل د دې سره علاقه لري چې د نورو سره مينه وکړي،
تل هڅه کوي چې د نورو په خوښيو کې برخه واخلي،
د نورو په غم کې ځان غمجن بولي،
د نورو په پرمختګ خوشحالېږي،
که يو چا سره يې خپګان رامنځ ته شي، ډېر ژر ورسره روغه کوي،
تا ويلې او ما ويلې پسې دومره نه ګرځي،
غيبت يې نه خوښېږي،
تل صادقه وي،
زړه يې ډېر نرم او ترحم لرونکی وي.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی