سپورټ فوټبال

فوټبال: لیورپول یو بل جام هم وګټی

اعلان

تېره شپه دوې انګلستانۍ فوټبال لوبډلي لیورپول او چلسي د اروپا سوپر کپ پایلوبه د ترکیې په استانبول ښار کي ترسره کړه، چي لوبه ۲ ګولونه په مقابل کي د ۲ ګولونو په مساوي ډول پای ته ورسېده.

د لیورپول لپاره په یاده پایلوبه کي دواړي ګولوهني سعدیو ماني او د چلسي لپاره بیا ژیرو او جورجینو ګولونه ولګول.

خو وروسته چلسي او لیورپول پینالټۍ ووهلې، چي په پینالټیو کي بیا لیورپول ۵ پر ۴ چلسي ته ماته ورکړه او لومړی مقام ئې خپل کړ.

په دې سره لیورپول د اروپا د سوپر کپ اتلولي د څلورم ځل لپاره خپله کړه.

images (9).jpeg

دا کپ تر دې مخکي ۵ ځلي بارسلونا، ۵ ځلي میلان او ۴ ځلي بیا ریال ماډریډ خپل کړی.

images (7).jpeg

دا کپ ۴۷ کاله مخکي تاسیس سو، چي د ګټلو لپاره ئې هغه دوې لوبډلي لوبیږي، چي یوې د اروپا لیګ او بلي بیا د اروپا د اتلانو لیګ اتلولي خپله کړې وي.

چلسي د اُروپا لیګ او لیورپول بیا د اُروپا د اتلانو لیګ ګټلی وو.

د لیورپول او چلسي ترمنځ د پرونۍ لوبي لوبڅاري د استفاني فراپارت په نوم یوې ۳۵ کلني فرانسوۍ ښځي وکړه، چي په دې سره په اروپا کي دا لومړی ځل وو، چي یوه ښځه په دومره مهمه لوبه کي لوبڅاري کوي.

FB_IMG_1565832721078.jpg

د هغې سره دوې نوري ښځي نیکولوسي او میشل اونیل د دوهمي لوبڅارۍ(لاین مینۍ) دنده پر مخ یووړله.

تر دې مخکي د نارینه وو ترمنځ د فوټبال په لوبو کي ښځو لوبڅارې ترسره کړې، خو دا لومړی ځل وو، چي د نارینه ترمنځ د فوټبال پایلوبي قضاوت یوې ښځينه لوبڅاري ته سپارل کیږي.

یادي ۳۵ کلني فرانسوۍ لوبڅاري تیره میاشت د ښځینه وو ترمنځ د فوټبال نړیوال جام د پایلوبي لوبڅاري هم وکړه.

هغه پایلوبه د امریکا او هالنډ ترمنځ ترسره سوه، چي امریکا پکښي اتلولي خپله کړه.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.