سپورټ نړیوال کرکټ

ویرات کوهلي غواړي چې تر ای پي اېل مخکې نړیوال جام ته لوبډله اعلان شي

لیکنه: ياران

لیکنه : بهار سمسور

هندی لوبډل مشر ویرات کوهلي وايي ای پي اېل د لنډ فارمټ شل اوریزه لوبې دي، خو د ۲۰۱۹ کال نړیوال پنځوس اوریزه لوبې په مخکې لرو، باید کورنۍ د کم اورونو لوبې د نړیوال جام لپاره لوبډلې ته مخکې نه کړای شي.

کوهلي زیاتوي:

«دا سمه ده چې یو یا دوه هغه لوبغاړي چې باید په نړیوال جام کې د هند په لوبډله کې وي خو په ای پې اېل کې ونه ځلیږي دا په دې معنا نه ده چې هغوی دې بیا له لوبډلې لرې کړل شي.»

د هغه په وینا؛ دلته د لوبډلې توازن، چپ او ښی لاس او هم د لوبغاړي تجربه او مخکې کارکردګي مهم ټکي دي.

ویرات کوهلي دا خبرې د اسټرالیا خلاف د دوه شل اوریزه لوبو له بایللو وروسته خبریالانو ته کړي دي.

د اسټرالیا خلاف په شل اوریزه لوبو کې له دوه ماتو او سیریز بایللو وروسته نوموړي ویلي، دا لنډ سیریز و او په لنډ وخت کې تر سره شو،اسټرالیا تر موږ ښه کریکټ وکړ ځکه هغوی بریالي شول.

دی زیاتوي؛ دا دوه لوبې وې ، له ماتو وروسته ښه لوبډله هغه ده چې بېرته ښه راتګ وکړي.

«موږ به نړیوال جام ته د ورتګ او د ګټې پیل د یوه ورځنیو لوبو له سیریز وکړو.»

د لیکوال/ لیکوالې په اړه

ياران