ګټه وټه له نړۍ

د نړۍ دا ۳۰ هېوادونه رسمي ملي کرنسۍ یا پولي واحد نه لري

ژباړه: محمد عزيز پردېس

ښايي زموږ ډېرو لپاره د رسمي ملي کرنسۍ لرل د يو مشخص بيرغ او ملي ژبې په څېر ارزښت لرونکې وي. خو په نړۍ کې ډېر داسې هېوادونه شته چې رسمي ملي کرنسۍ نه لري او مجبوره دي چې د نورو هېوادونو د رسمي کرنسيو څخه ګټه پورته کړي. د بېلګې په توګه، د انګلستان پوند، د امريکا ډالر او يا هم د اروپا يورو.

په دې ليکنه کې به تاسو ته د نړۍ هغه ۳۰ هېوادونه در وپېژنو چې رسمي ملي کرنسۍ نه لري:

هغه هېوادونه چې د امريکا د ډالرو څخه ګټه پورته کوي:
دمګړی په نړۍ کې د امريکا ډالر ترټولو ډېر کارول کېږي. د نړۍ ډېری هېوادونه ډالر د يو معتبرې او با ارزښتې پيسې په بڼه کاروي. کوم هېوادونه چې لاندې لست شوي دي، هغه هېوادونه دي چې دوی خپله رسمي ملي کرنسۍ نه لري او د ډالرو څخه ګټه پورته کوي. دا هېوادونه د خپلو ځانونو لپاره مالي مديريت، سيستم او کنټرول نه لري او د دوی ټول پولي سياستونه د ډالرو د سياست پورې تړاو لري.

۳۰ هېوادونه چې رسمي ملي کرنسۍ نه لري:

۱. اکوادور

۲. تیمور شرقي

۳. السالواډور

۴. د مارشال جزاير

۵. میکرونزي

۶. پالائو

۷. تورکس

۸. کایکوس

۹. د ويرجين جزاير

۱۰. زیمباوه

هغه هېوادونه چې د اروپا له يورو څخه ګټه پورته کوي:
يورو د اروپايي اتحاديې رسمي کرنسۍ ګڼل کېږي چې د اروپايي هېوادونو سربېره، د دې هېوادونو ځيني ګاونډيان يې هم کاروي.

۱۱. اندورا

۱۲.موناکو

۱۳. مونټه ‌نګرو

۱۴. سن مارینو

۱۵ واتیکان

هغه هېوادونه چې د سي اف اې فرانک څخه ګټه پورته کوي:
د سي اف اې فرانک د افريقا د لويې وچې د ځينو سيمو رسمي کرنسۍ ګڼل کېږي چې د فرانسې د خزانه دارۍ له لوري يې ضمانت کېږي. دغه کرنسۍ په کال ۱۹۴۵ کې رامنځ ته شوه. د سي اف اې د فرانک څخه ګټه اخېستونکي هېوادونه په لويديځې افريقا او مرکزي افريقا وېشل شوي.

د لويديځې افريقا هغه هېوادونه چې سي اف اې فرانک کاروي:
۱۶. بنین، بورکینافاسو

۱۸. د عاج ساحل

۱۹.ګینه بیسائو

۲۰.مالي

۲۱. نیجر

۲۲.سنګال

۲۳. توګو

د مرکزي افريقا هغه هېوادونه چې د سي اف اې فرانک کاروي:
۲۴. کامرون

۲۵.مرکزي افريقا

۲۶.چاد

۲۷.کنګو

۲۸.استوايي ګينه

۲۹. ګابون

هغه هېواد چې د انګلستان له پوند څخه ګټه پورته کوي:

۳۰. سکاټلند
سکاټلند هغه هېواد دی چې د بريتانيا له پوند څخه ګټه پورته کوي. په ۲۰۱۴ کال کې د انګلستان څخه د سکاټلند د بېلوالي يا خپلواکۍ لپاره يوه عمومي نظر پوښتنه ترسره شوه چې ۵۰ سلنه منفي وه او دا غوره وګڼل شوه چې سکاټلنډ د بريتانيا د يوې برخې په توګه پاتې شي. د سکاټلند ملي رسمي کرنسۍ هم د انګلستان هېواد پوند ګڼل کېږي.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی