کلتور او هنر

د عالیه بهټ او رنبیر کپور د کوژدې نېټه په ډاګه شوه

د هندۍ سېنما د ځوانې او ښکلي جوړې عالیه بهټ او رنبیر کپور د کوژدې نېټه په ډاګه شوه.

له ډېره وخته ددوی دواړو د مینې او عاشقۍ کیسې کیږي او د واده او کوژدې خبر اورېدو لپاره یې مینوالو په بې صبرۍ انتظار ویسته، چې بلاخره یې یې اوس ځینو رسنیو د کوژدنۍ نېټه روښانه کړې.

د رپوټونو له مخې، دغه ښکلې او مینه ناکه جوړه به د روان ۲۰۱۹ کال د جون په میاشت کې سره خپل د یارانې اړیکه د خاوند او مېرمنې په اړېکه بدله کړي او یو بل ته د کوژدنې ګوتمې ور په ګوته کړي.

په رسنیو کې داسې اوازې دي چې د رنبیر کپور مور نیتو کپور غواړي چې د خپل زوی کوژده ډېر ژر وکړي.

څو ورځې وړاندې نیتو کپور د خپل خاوند رشي کپور په تړاؤ داسې اشاره کړې وه چې ګنې خاوند یې د کینسر په نا علاجه ناروغۍ اخته دی.

د نیتو کپور په پوسټ شوي تصویر کې ښکارېدل چې د ۲۰۱۹ کال د خوښۍ د لمانځلو لپاره د رنبیر کپور سره عالیه هم هلته تللې وه او څو ورځې وړاندې بېرته هندوستان ته ستانه شول.

د یادولو ده چې عالیه بهټ د کپور کورنۍ سره ډېر نژدې ده او د نوي کال په خپرو شویو انځورونو کې هم عالیه د کپور د کورنۍ سره یوځای ښکاري.

د لیکوال/ لیکوالې په اړه

ابوبکر عليزی