هندوستان؛ دا ۱۰ ایالتونه یې باید وپېژنئ او وګورئ

ژباړه: صادق طارق

هندوستان له پخوا راهیسې د سیاحت او ګرځیدو لپاره مناسب هېواد و؛ هلته اوس هم ګڼ سیلانیان ځي څو له متنوع فرهنګ، خوندورو خوړو، ښایسته طبیعت، تاریخي ځایونو، سواحلو او نورو ښایستونو خوند واخلي.

تاسې هم کیدای شي د سیاحت لېواله اوسئ، نو راځئ د هندوستان ۱۰ هغه ایالتونه وپېژنئ، چې د لیدو دي.

کرالا (Kerala)

کرالا د هندوستان له ترټولو ښایسته ایالتونو څخه دی.

د دې ایالت نوم په دې ډېر مشهور دی، چې د Kovalam Muzhappilangad او Varakala په شان ښایسته سواحل، نورې ښایسته سیمې، ښارونه، منظرې، ابشارونه، تاریخي ځایونه، ملي پارکونه او ژوبڼونه لري.

د دې ترڅنګ آرامه ځایونه یې هم د پام وړ دي.

راجستان (Rajasthan)

راجستان د پاچاهانو په وطن هم مشهور دی. دا ایالت د جنګونو او بریو، عاشقۍ او نورو نه هېریدونکو واقعو زیاتې افسانوي کیسې لري.

د دې ایالت له زیاتو تاریخي ابداتو، ماڼیو او کلاګانو سسره د مینې، مېړانې او زړورتیا ګڼې کیسې غوټه شوي.

د راجستان جیپور، دایپور او جادپور سیمې بیخي د لیدو دي.

گوآ (Goa)

ګوا په نړیواله کچه د خپلو ښایسته سواحلو له کبله زیات مشهور دی.

لږ سیلانیان او بهرنیان به وي، چې هند ته ځي، خو دا ښار نه ګوري.

د ګوا ټول ښایستونه یوې خوا ته، د لمر پریوتو صحنه او سمندري خواړه یې بېل کیف لري.

په ګوا کې د اسکی لوبې مرکزونه، متنوع مذهبي او قومي جوړښت او تاریخي ابدات هم د پام وړ دي.

پنجاب (Punjab)

د پنجاب له واقعي فرهنګ څخه د خبریدو لپاره د دې ایالت کلیو ته باید لاړشئ.

هلته خوندور خواړه، قومي او مذهبي تنوع او تاریخي روایتونه ټول جالب دي.

د پنجاب د واګې بندر هم د سیلانیانو د زیات پام وړ دی.

هیماچال پرادش (Himachal Pradesh)

دغه ایالت د خدایانو د هېواد نوم خپل کړی.

په دې ایالت کې . Dharamsala ،Manali و Kullu او ځینې نورې تپې د سیلانیانو د ډېر پام وړ دي.

دا ایالت خوندور طبیعي مناظر هم لري، لیدل یې مه هېروئ.

اوتار پرادش (Uttar Pradesh)

اوتارپرداش په معمارۍ کې بیخي نوم لري. هلته تاریخي ودانۍ د ډېر پام وړ او د سیلانیانو د ګڼې ګوڼې سیمې دي.

په دغه ایالت کې ګڼ تاریخي او مذهبي ځایونه موجود دي.

نور ځایونه یې هم د لیدو دي، د لیدو هڅه یې وکړئ.

گجرات (Gujarat)

ګجرات د هندوستان په لویدیزو سواحلو کې دی. دغه ایال بډای فرهنګ او تاریخ لري، ځکه خو هر کال تر ۳ میلیونو پورې سیلانیان یې لیدو ته ورځي.

دا ایالت د مهاتما ګاندي لپاره هم د خلکو خوښیږي، له دې ور اخوا تاریخي ځایونه، سواحل او معبدونه یې هم د لیدو دي.

جامواو کشمیر (Jammu and Kashmir)

جامو او کشمیر خورا سرسبزه سیمې، هوا او ښایسته درې لري.

دا ایالت تر ډېره غره ییز دی، ډېر وخت په واورو پوښلی وي.

د دې ترڅنګ یې تاریخي ابدات او تفریحي سیمې هم د کتو دي.

کارناتاکا (Karnataka)

کارناتاکا د سپینو ابشارونو، شنو ځنګلونو او نورو متفاوتو سیمو او منظرو له کبله ځانګړی دی.

د دغه ایالت طبیعي منظرې هم د کتو دي.

د هند د دې ایالت یو شمېر سیمې د یونیسکو د فرهنګي میراثو په لیست کې هم ثبت شوي.

غربي بنگال   (West Bengal)

غربي بنګال، چې مرکز یې د کلکتې ښار دی، له دنګو او تاریخي ځایونو بیخي ډک دی.

دغه ښار ته د هند فرهنګي پلازمېنه هم وېل کیږي. د دې ترڅنګ د ښادۍ او ماڼیو په ښار هم یاد شوی.

د کلکتې طبیعي منظرې د نړۍ په کچه مشهورې دي.

هیله ده ټولو ته یې د ورتګ فرصت در ته برابر او له لیدو یې نیږدې نه برخمن شئ.