سپورټ وزش او تمرین

په هرات ولایت کي د بدن ښکلا سیالۍ ترسره سوې

اعلان

د هرات ولایت د بدني روزني او ورزش ریاست له لوري په یاد ولایت کي د هیواد د بیرته اخېستو د ۱۰۰مي کلیزي په ویاړ د بدن ښکلا سیالۍ ترسره سوې.

د افغانستان د بدني روزني عمومي ریاست مسئولین وايي، چي د بدن ښکلا دا سیالۍ د شنبې په ورځ د هرات ولایت په شهید میرویس صادق جمنازیم کی ترسره سوې.

د دوی په خبره، چي په دې لوبو کي ۵۰ تنو لوبغاړو د هرات ولایت د بیلابیلو سیمو څخه ګډون کړی وو.

ددې سیالیو موخه د هیواد د خپلواکۍ بیرته اخېستو د سلمي کلیزي لمانځل وه او د هغه ترڅنګ د هرات منتخبي لوبډلي ته د غوره لوبغاړو موندل وه، چي په پای کښي ۹ تنه لوبغاړي د هرات منتخبي لوبډلي ته غوره سول.

د یادولو وړ ده، چي غوره سوي ۹ تنه لوبغاړي به راتلونکې اونۍ د ولایتونو په سطحه سیالو کي برخه واخلي.

د بدن ښکلا دا سیالۍ داسي وخت ترسره سوې، چي په هرات کي د شطرنج سیالۍ هم د هیواد د خپلواکۍ بیرته اخېستو ۱۰۰مي کلیزي په ویاړ جوړي سوې.

67585456_1461577303982132_7114523917489799168_n.jpg

د شطرنج په دې لوبو کی ۶۰ نارینه او ۲۷ بیا ښځينه لوبغاړو ګډون کړی دی.

دا سیالۍ په سویسي سیسټم ترسره کیږي، چي د اتلولۍ ګټلو لپاره به یاد لوبغاړي یوه اونۍ یو د بل په وړاندي سیالۍ ترسره کړي.

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړې پر دې سربیره د کندهار ولایت د ښوونې او روزنې د پوهنتون د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.