ساینس او ټیکنالوژي

هواوې د خپل خوندیتابه لپاره ۲ میلیارده ډالره لګوي

د هواوې شرکت د کاناډا د برخې رییس ویلي، ددې لپاره چې تولیدي توکي یې، نور هم امن او خلک وکولی شي له دې هم ډېر باور پرې وکړي، د خپلو توکو د امنیت د خوندیتابه لپاره یې دوه میلیارده ډالره ځانګړي کړي دي.

نوموړی وایي، دا دوه میلیارده ډالره به یوازې د سافټویر جوړولو د انجنیرانو پر ګومارلو ولګوي.

د هواوې د کاناډا د برخې مشر اریک لي (Eric Lee) وایي، د خپلو توکو امنیت او د ټکنالوژۍ هغه شبکې چې د دوی توکي ور سره تړلي دي، بې نقصه کېدل یې د دوی لپاره لومړیتوب دی.

په کاناډا کې ددغه شرکت ویاند ویلي، چې له دوی سره د کاناډا په برخه کې یوازې پنځه سوه کسان د سافټویر د خوندي تابه په برخه کې کار کوي او مرکزي څانګه کومه چې د چین په شنزن ښار کې ده، د دوی له دې وړاندیز څخه هر کلی کړی.

ددغه شرکت مرکزي څانګې هم ویلي، د تولیدي توکو امنیت به یې تر هغه کچې خوندي کړي، چې هېڅ پېردونکی یې ان په یوه برخه کې هم شکایت ونه کړي او له هره اړخه به خوندي توکي خپلو مشتریانو ته وړاندې کړي.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.