سپورټ مخکښان نړیوال کرکټ

کریس ګیل په ټیسټ کرکټ کې لا هم ۶ کلن ریکارډ ژوندی ساتلی

د ویسټ انډیز د کرکټ ملي لوبډلې د توپ وهنې ښي لاسی برید کونکی توپ وهونکی کریسټپر هینري ګیل لا هم په ټیسټ کرکټ کې پخوانی ۶ کلن ریکارډ په خپل نوم لري.

 کریس ګیل، چې په کورني او نړیوال کرکټ کې د شپږیزو د پاچا او ډینجر مین په نوم سره مشهور دی؛ په ټیسټ کرکټ کې یې هم وزته کار کړی دی.

نوموړي په ۲۰۱۲ م کال کې د بنګله دیش خلاف په لمړۍ سیالۍ کې سپین بالر سوهاک غازي پر وړاندې په لمړي بال شپږیزه ترسره کړې ده، چې لا هم تر دې مهاله بل کوم توپ وهونکي دغه کار نه دی کړی.

 کریس ګیل په ۲۰ اوریزه کرکټ کې د بالرانو خلاف هیڅ ډول حوصله نه کوي او ډیر کله یې د هر ډول بالر خلاف خپل بیټ په شپږیزو او څلوریزو ډک ساتلی دی، نو ځکه خو نوموړی اوس په نړیوال کرکټ کې د زیاتو شپږیزو وهلو کې هم لمړی مقام لري.

ویسټ انډیزی کریس ګیل د ویسټ انډیز د کرکټ ملي لوبډلې لپاره تر دې مهاله په ۶۰ ټیسټ، ۱۱۲ پنځوس اوریزه او ۱۸۰ شل اوریزه سیالیو کې لوبیدلی دی، چې ډیر کله یې د دغه لوبډلې په بریا کې مهم رول لوبولی دی.

د لیکوال/ لیکوالې په اړه

احسان الله ساپی