مخکښان

د نوموتي فرانسوي ليکوال ګوستاوفلوبر اغېز لرونکې ويناوې

اعلان

ژباړه: محمد عزيز پردېس

فرانسوي‏ ګوستاوفلوبر (Gustave Flaubert) د ۱۹ مې پېړۍ يو ترټولو نوموتی ليکوال و. فلوبر د ۱۹ مې پېړۍ يو بل مشهور ليکوال، بالزاک څخه اغېزمن و. مادام بواری، Sentimental Education، Three Tales … مشهوره آثارو څخه ګڼل کېږي.
فلوبر به خپل آثار وروسته له بشپړېدو څخه په یوې ځانګړې خونه کې په لوړ غږ ويل، ترڅو د توريو او لغتونو وزن او آهنګ سره وسنجوي.

د فلوبر څو لنډې ويناوې:

سفر د دې لامل کېږي چې په دې پوه شې څومره په دې نړۍ کې ناچيزه يې او په دنيا کې دې څومره کوچنی ځای نيولی دی.

کارکوونکی چې هرڅومره او هر ډول شغلي مسوليت ولري، نو د احترام حس پکې ژوند وي.

مشهوره کېدل زما اصلي موخه نه ده، دا موضوع يوازې کم ارزښته ځان غوښتنې په ډاګه کوي. زه له دې څخه د غوره څیزونو په لټه کې يم.

بریاليتوب راته يوه پايله ده، نه يوه موخه.

هرڅه لاس ته نه راځي، مګر په هڅو سره او هرڅه خپله قرباني غواړي.

نېکمرغي يانې، د ورځنيو پېښو سره جوړښت يا هماهنګي.

د دې لپاره مطالعه کوم چې ژوند وکړم، نه دا چې زده کړه وکړم.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی