رسنۍ ساینس او ټیکنالوژي

دغه شیان هېڅکله په ګوګل کې مه لټوئ

ګوګل لټون د انټرنېټ نړۍ ته د ننوتو دروازه ده. هغه څه چې تاسو یې په ګوګل کې لټوی، ستاسو پر تجربو او ورځني ژوند مستقیم اغېز کوي. دا سمه ده چې ګوګل لټون ډېری وخت ستاسو سره د ستونزو په هواري کې مرسته کوي، خو ډېر کله هغه معلومات چې د نامسلکي کسانو لخوا په ناقانوني ډول د پیسو ګټلو لپاره په بېلا بېلو وېبپاڼو کې ځای پر ځای شوي، تاسو غلط لوري ته بیایي او پر ورځني ژوند مو منفي اغېز کوي. دلته یې ځینو ته اشاره کوو:

۱- د ناروغیو نښې
لومړی یې باید د روغتیا له برخې پیل کړو. ډېرې وېبپاڼې شته چې د ناروغیو د نښو په اړه یې معلومات خپاره کړي وي چې تر ډېره دغه وېبپاڼې د نامسلکي کسانو په مرسته چلېږي. د ناروغیو د نښو په اړه په ګوګل کې پلټنه تاسو ته د ګټې پر ځای زیان رسوي او ډاروي مو.

۲- جنایي جرمونه
کېدای شي په ذهن کې مو در وګرځي چې بم څه ډول جوړېږي، د نشې ټابلېټ څخه ډول جوړېږي او یا دې ته ورته نور موارد. د جنایي جرمونو پولیس دغه ډول کسان څاري او د (IP) ادرس له لارې یې پیدا کولی شي. سرطان، د پوستکي ناروغۍ، خطرناک حیوانات، د هوا ککړوالی او دې ته ورته نور مسایل هغه څه دي چې په اړه یې پلټنه کول ستاسو ژوند ګواښلی شي.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.