ساینس او ټیکنالوژي

د شیامي (مي مېکس G5 -3) نوی موبایل

له اونیو انتظار وروسته د ټکنالوژۍ مشهور چینایي شرکت شیامي د ( 2019 MWC) په نوم نندارتون کې، خپل نوی تولید چې (مي مېکس G5-3) دی، مینوالو ته د ځانګړو مراسمو په ترڅ کې معرفي کړ.

دغه چینایي شرکت وایي، (مي مېکس G5-3) په ډېره لوړه ټکنالوژۍ سمبال دي او دا د نوموړي شرکت لومړني G5 موبایلونه دي.

د تېر ۲۰۱۸ ز کال په اکټوبر کې هم شیامي شرکت ځینې نوي تولیدات بازار ته وړاندې کړې وو، خو ویل کېږي چې (مي مېکس G5-3) له هره اړه پرمختللی دی، داسې چې په پلورلو سره به یې د خپلو پېرودونکو زړونه لا را خپل کړي.

داسې هم ویل کېږي، چې د دغه شرکت دغه نوی تولید، د موبایل جوړولو له ډېری تولیدي توکو سره سیالي کولی شي او له سامسونګ ګلکسي اېس سره ډېر ورته والی لري.

دا چې دغه شرکت خپل نوي تولیدي توکي په امریکا کې نه شي پلورلی، نو د کاروونکو په خبره یې چې ډېر زیات پلور به ونه لري.

په روانه او راتلونکې میاشت کې د موبایل جوړولو ډېر نور شرکتونه، لکه سامسونګ، اپل او (اېل جي) هم غواړي، خپل نوي تولیدات بازار ته وړاندې کړي.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.