ټولنیز ژوند مخکښان

د فرانسوي فزيک پوه او فيلسوف، بلز پاسکال ګټورې خبرې

ژباړه: محمد عزيز پردېس

ـ عدالت او قدرت بايد د يو او بل ترڅنګ وي، ترڅو هر هغه څه چې عادلانه وي؛ غښتلي واوسي او هر هغه څه چې غښتلي وي، عادلانه هم واوسي.

ـ ژوند په هغه صورت کې د نېکمرغۍ او نېکبختۍ سره مل دی چې د مينې سره پيل او د بلند پروازۍ سره پای ته ورسېږي.

ـ د ټولو فسادونو ريښه، بيکاري ده. هر هغه حکومت او دولت چې غواړي دغه ستونزه هواره کړي، بايد ټول خلک تر خپل وسه پورې په دندو وګماري.

ـ د ټولو فسادونو سرچينه بېکاري ده. شيطان تل د بې کارانو لپاره دنده ګوري.

ـ هرڅومره چې ستاسو فکر او ايډيه لویه وي، نو هغومره به د نورو فکرونو او نظریو ته احترام وکړئ.

ـ هغه څوک نېکمرغه دی چې د ژوند په سختيو کې خپل ځان ونه بايلي.

ـ موږ دې سره علاقه نلرو چې نور دې موږ ته چل راکړي، خو د نورو چل ورکولو څخه عبرت او پند هم نه اخلو.

ـ آيا غواړئ چې خلک مو په خبرو باور وکړي؟ له ځانه خبرې مه کوئ.

ـ آيا غواړئ چې خلک ستاسو په اړه ښه فکر ولري؟ د خپل ځان صفت مه کوئ.

ـ مینه لرونکې خبرې قيمت نلري، خو ارزښت يې خورا ډېر دی.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی