خوندیتوب ساینس او ټیکنالوژي

د کمپيوټر د سکرين پر وړاندې د سترګو د ستړيا د مخنيوي لپاره ۵ لارښوونې

ژباړه: محمد عزيز پردېس

کله چې ستاسو د اړتيا وړ توکي ستاسو د کاري مېز په مختلفو موقعيتونو کې وي، نو ستاسو سترګې مجبورې دي چې مرتبا مختلفو واټنونو ته په کتو خپل ليد تنظيم وکړي. د دغه وضعيت د کنټرول لپاره د کمپيوټر ليکدړه يا کيبورډ مستقيما د منيټور پر وړاندې کېږدئ او هغه څه چې بايد ويې لولئ د کمپيوټر څنګ ته يې منظم کېږدي.

که تاسو هم د هغې ډلې کسانو څخه ياست چې د ورځې په اوږدو کې په ساعتونو ساعتونو د کمپيوټر سکرين ته ګورئ او تر دې دمه مو د: سترګو سوی، د غاړې درد، د سترګو خيره والی، د سر ضربان او داسې نور څه تجربه کړي وي، نو غوره ده چې پوه شئ چې ستاسو ستونزه ( د سترګو ستړيا ) ده. د طب له اړخه دې ستونزې ته ( د کمپيوټر د ليدلو سنډروم ) ويل کېږي او د دې ناروغۍ لامل د سکرين نور يا رڼايي او په دوامداره توګه سکرين ته کتل دي.

د دې ستونزې د مخنيوۍ لپاره کولی شو چې د طبي لارښوونو ترڅنګ د سترګو مختلف تمرينات ترسره کړو. دلته هوډ لرو چې د دې ستونزې د مخنيوۍ لپاره تاسو درنو لوستونکو ته ځينې لنډې لارښوونې وړاندې کړو.

۱- د خپل کمپيوټر سکرين مو تنظيم کړئ
د کمپيوټر د سکرين په محل کې ځيني جزئي اقدامات کولی شي چې په راحتۍ سره د سترګو د ستړيا او خيره کېدو ستونزه مو راکمه کړي. مانيټور بايد ۲۰ يا ۳۰ انچه ستاسو د سترګو سره واټن ولري. همدارنګه د کمپيوټر د مانيټور ترټولو لوړه برخه مو بايد د سترګو سره برابره وي، يانې د مانيټور د صفحې د کتلو لپاره بايد مجبوره شئ چې ښکته وګورئ نه پورته.

۲- د مانيټور روښنايي مو تنظيم کړئ
د دې لپاره چې د کمپيوټر د صفحې روښنايي مو په تکليف نه کړي، پکار ده چې نور يې تنظيم کړئ.
که ممکن وي د نورو ګروپونو د رڼايۍ پر ځای د ځمکنيو او يا هم د ميزي څراغونو څخه ګټه پورته کړئ چې د مانيټور دواړو اړخونو ته مو ايښي وي. د کمپيوټر د سکرين روښنايي مو بايد متوسطه وي، تاسو کولی شئ چې د مانيټور برايټ يا روښنايي مو ٪۵۰ کړئ.

۳- د ۲۰-۲۰-۲۰ قانون څخه ګټه پورته کړئ
له هرو ۲۰ دقيقو څخه وروسته په خپلې (۶-۷ مترۍ) کې هغو توکو ته وګورئ چې ستاسو شاوخوا ته ايښي دي او د ۲۰ ثانيو لپاره ورته متوجه شئ او يا هم سترګې مو ورته خيره کړئ. دغه کړنلاره چې د labnol.org سايټ څخه را اخېستل شوې، کولی شي چې د سترګو لپاره يو مناسب ورزش واوسي.

که مو دا له ياده وځي چې هر ۲۰ دقيقې وروسته دا کړنه ترسره کړئ، کولی شئ چې د Break Taker په څېر ريمينډرونو څخه ګټه پورته کړئ.

۴- د ځانګړو عينکو څخه ګټه پورته کړئ
که تاسو تل د کمپيوټر سره سر او کار لرئ، نو د طبيعي نور ترڅنګ مصنوعي نور هم ترکيب کېږي چې دا مو په سترګو يو ډول فشار واردوي. د دې ستونزې د حل لپاره د ځينو ځانګړو عينکو څخه ګټه پورته کړئ.

۵- داسې يو وضعيت مو د ځان لپاره تنظيم کړئ چې سترګې مو پکې راحته وي
کله مو چې د اړتيا وړ توکي د مېز په شاوخوا کې او يا مختلفو ځايو کې شتون ولري، نو سترګې مو مجبوري دي چې مرتبا مختلفو واټونو ته په کتو خپل ليد تنظيم کړي او ستړې نشي.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی