خواړه روغه سټه

د وزن په زیاتوالي کې د قهوې رول

مخکنیو څېړنو ښودلې وه چې ډېره قهوه څښل د وزن د کموالي لامل کېږي، خو اوس روغتیاپالان وایي، هغه کسان چې د ورځې پنځه پیالې قهوه څښي، د وزن له زیاتوالي سره سره یې د شکرې پر ناروغۍ هم اخته کولی شي.

د قهوې په اړه بېلابېل نظرونه شته؛ ځینې وایي، هغو کسانو چې د وزن د کموالي لپاره یې غذایي رژیم نیولی دی، باید قهوه هم وڅښي؛ معنا دا چې د قهوې څښل وزن کموي، خو وروستۍ څېړنې بیا وایي، په زیاته اندازه د قهوې څښل د وزن د زیاتوالي لامل کېږي.

په اصل کې قهوه په دواړو حالتونو کې خپل اغېز لري، خو اصلي خبره د قهوې په ډول کې ده چې په څه ډول تیاره شي او ترې ګټه واخیستل شي.

زه خپله د ډېرې قهوې څښلو پلوی یم، خو اوس اوس مې په ذهن کې دا پوښتنه را پيدا شوې چې ایا قهوه په رښتیا هم وزن زیاتوي؟

کله چې غواړئ، د قهوې ګټې او تاوانونه وڅېړی، یو شی باید هېر نه کړئ؛ هغه دا چې قهو هم یو ډول اعتیاد لري؛ ځکه هغه کسان چې د یو څه وخت لپاره قهوه وڅښي، بیا یې نو بې له قهوې ژوند سخت وي.

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.