سپورټ فوټبال

چمپینز لیګ؛ هرڅه برعکس شول، اجاکس څه بارسلونا هم بهر شوه

لیکنه: فضل الله فضلي

تېره شپه د اروپا اتلانو لیګ پایلوبي ته د وتلو لپاره ټاټنهام خپل غچ له اجاکس څخه په خپل کور کي ۳ پر ۳ واخیست او د اروپا اتلانو لیګ پای لوبي ته یې لاره پیدا کړه.

همدارنګه وړمه شپه بارسلونا د لېورپول پواسطه په دوهمه لوبه کي ۴ پر صفر ماته سوه او لېورپول د لسم ځل لپاره د ياد لیګ پایلوبي ته ووتئ.

په یاده لوبه کي لیونل میسي د لېورپول خلاف سختي ضربې وکړې، خو بریالی نسو چي د لوبډلي لپاره یو ګول هم ووهي، خو په مقابل طرف کي د لېورپول لوبډلي بریدګر لوبغاړی محمدصلاح هم په لوبه کي نه وو، ولي بیا هم لېورپول په زړه پوري شاتګ وکړ او د بارسلونا هغه خوب چي ددې کال د دریو کپونو ګټل وو، له تعبیر وایستی.

وروسته له لسو کلنو ټاټنهام او لېورپول کلبونه یو د بل پر وړاندي سرسخت سیالان دواړه انګلیستاني کلبونه دي، چي د روان عیسوي کال د جون میاشتي پر اوله نېټه د هسپانیې په ماډريډ کي د اروپا اتلانو لیګ د جام ګټلو لپاره سره لوبیږي.

ریال ماډریډ، اث میلان او بایرن مونیک هغه کلبونه دي، چي تر ټولو ډېر د یاد لیګ پای لوبو ته وتلي دي.

پوره اووه کاله وروسته د یاد لیګ کپ انګلیستان ته تلونکی دئ او د اروپا د اتلانو د دې فصل پایلوبه د کلبونو په سطحه درېیمه پایلوبه ده، چي دواړه کلبونه یي د انګلستان څخه دي.

د اروپا اتلانو لیګ تېر فصل د هسپانيې مشهور کلب ریال ماډريډ د انګلیستاني کلب لېورپول څخه ۳ پر ۱ ګټلی وو.

د اروپا اتلانو لیګ یا چمپینز لیګ هر کال د اروپايي پیاوړو ۳۲ کلبونو ترمنځ ترسره کیږي.

تر دې مهاله ټاټنهام هیڅ یو کپ د اروپا اتلانو لیګ نه دئ ګټلی، خو لېورپول او بارسلونا پنځه ځلي او ریال ماډریډ تر ټولو ډېر ۱۳ ځلي ګټلی دئ.

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې