بریا او پرمختګ وزش او تمرین

د هنري رزمونو تکړه استاد، بروسلي ويښوونکې ويناوې

اعلان

ژباړه: محمد عزيز پردېس

ـ که فکر وکړې، څه غير ممکن دي؛ نو يوازې ته ددې لامل کېږې چې هغه درته غير ممکن شي.

ـ تل خپله واوسه، ځان دې مطرح کړه، په ځان دې باور ولره او د داسې شخصيت په لټه کې مه اوسه چې له هغه څخه تقليد وکړې.

ـ ژوند پخپله ستا ښوونکی دی او ته تل د زده کړې په حال کې يې.

ـ د سبا لپاره چمتووالی د نن د هڅې په مانا ده.

ـ که غواړې لمل زده کړې، نو په اوبو کې هڅه وکړه او تمرين وکړه؛ په وچه ځمکه کې په دې هکله هېڅ فکري طرز درسره مرسته نشي کولی.

ـ هرڅومره چې مادياتو ته په ډېر ارزښت قايل شو، نو ځان ته به مو بې احترامي کړې وي يا کم ارزښت به مو ورکړی وي.

ـ که غواړې ځان دې وپېژنې، نو د نورو سره په اړيکه واوسه؛ نه په انزوا کې.

ـ که غواړې پر حريفانو دې بريمن شې، نو پکار ده چې خپله غوسه کنټرول کړې.

د لیکوال/ لیکوالې په اړه

محمد عزیز پردیس

محمد عزیز پردېس منځنۍ زده کړې د کندز په حضرت علي لېسه کې او لوړې زده کړې يې د کندز پوهنتون د ښوونې او روزنې پوهنځي په پښتو ځانګه کې کړي دي.
نوموړی دمګړی له يو خصوصي انستيتوت سره د ژباړې په برخه کې بوخت دی.
د ياران وېبسايټ څخه يې هر اړخيزې ليکنې او ژباړې لوستلی شئ.
په یاران کې د عزیز پردیس د خپرو شویو لیکنو د بیا خپراوي حق یوازې له یاران سره خوندي دی