ټولنیز ژوند روغه سټه

هغه بد عادتونه چي د فلج په ناروغي مو اخته کوي

لیکنه: پلوشه فضلي
اعلان

ژباړه: پلوشه فضلي

د کاناډا مېګما سټر پوهنتون له څېړنو وروسته هغه بد عادتونه په ډاګه سوي دي چي شوني دي د فلج په ناروغي مو اخته کړي او هغه په لاندي ډول دي:

۱ـ مهالوېش نه درلودل
د دوی په وینا هر انسان باید په خپل ژوند کي ځان ته مهالوېش ولري، چي څه وخت خوب او څه وخت کار وکړي. که چېري ستاسي د کار او خوب وخت مالوم نه وي؛ کله د شپې او کله د ورځي کار کوئ، نو دا کار دماغ ته د ویني پر رسېدو باندي اغېزه کوي او د فلج ناروغۍ سبب کېږي.

۲ـ ډېر وخت پر يوه ځای کښېنستل
هغه خلک چي خپل ډېر وخت د تلوېزیون یا کمپیوټر مخ ته تېروي، د دوی په وجود کي د فلج خطر زیاتېږي. د دوی د څېړني له مخي، هره ورځ څلور ساعته د سکرین مخی ته کښېنستل د ویني د شریانونو مریضي جوړوي چي له وجي یې د فلج خطر زیاتېږي.

۳ـ تر حد زیات یا کم خوب کول
لږ یا تر حد زیات خوب دماغ ته د ویني رسېدو مخنیوی کوي. دوی وايي چي زیات خوب د فلج لامل کېږي. د دوی په وینا د خوب په وخت کي د تنفسي سیسټم ستونزي هم د فلج کېدو امکانات زیاتوي چي بیرته روغېدل یې ستونزمن دي.

۴ـ د سرې غوښي زیات استعمال
څېړنه ښيي چي په سرې غوښه کي موجود پروټین وینه رسوونکي شریانونه بندوي. هغه خلک چي ډېر له سرې غوښي څخه استفاده کوي، ۴۷ سلنه د فلج په ناروغي اخته دي. دوی باید د غوا او د وزې د غوښي له خوړلو څخه ډډه ونه کړي، بلکي په مناسبه اندازه دې وخوري.

۵ـ د ویني فشار
د ویني فشار د خاموشه قاتل په نوم هم یادېږي. دا مرض د ویني شریانونه زیانمنوي، چي په نتیجه کي د زړه د حملې یا فلج په ناروغي اخته کېږي. که د ویني فشار لرئ؛ نو د مالګي استعمال کم کړئ او ورزش وکړئ، چي دا یې تر ټولو آسانه نسخه ده چي د ویني د فشار د کنټرول او ۴۸ سلنه د فلج خطر کموي.

د لیکوال/ لیکوالې په اړه

پلوشه فضلي