سپورټ فوټبال

د افغانستان د فوټبال لوبډله سختې لوبې په مخ کې لري

اعلان

د فوټبال راتلونکي نړیوال جام ته د غوراوي پړاو پچه اچونه ترسره سوه.

د ۴۰ آسیايي هیوادونو ترمنځ په قطر کي د ۲۰۲۲م کال د فوټبال نړیوال جام ته پرون ماپښین پچه اچونه ترسره سوه، چي افغانستان اي ګروپ کي د سختو سیالانو سره راوتلی.

یادي ۴۰ لوبډلي په ۸ ګروپونو ویشل سوي، چي د یادو ګروپونو څخه ۱۲ ټیمونه بل پړاو ته لاره پیداکوي.

د افغانستان د فوټبال ملي لوبډله په اي ګروپ کي د بنګله دېش، عمان، هند او قطر هیواد سره یو ځای سوه.

دا سیالۍ د روان ۲۰۱۹م کال د سپټمبر میاشتي په ۵مه نېټه پېلیږي، چي افغانستان به په خپل ګروپ کي د خپلو قوي سیالانو سره دوې ـ دوې لوبي ترسره کړي.

د افغانستان د فوټبال لوبډله به په یاد ټورنمنټ کي خپلي ۸ لوبي په دې تاریخ ترسره کړي:

لومړۍ لوبه د ۲۰۱۹م کال د سپټمبر میاشتي په ۵مه د قطر په وړاندي.

دوهمه لوبه د ۲۰۱۹م کال د سپټمبر میاشتي په ۱۰مه نېټه د بنګله دېش په وړاندي.

دریمه لوبه د ۲۰۱۹م کال د اکتوبر میاشتي په ۱۰مه نېټه د عُمان په وړاندي.

څلورمه لوبه د ۲۰۱۹م کال د نوومبر میاشتي په ۱۴مه نېټه د هند په وړاندي.

پنځمه لوبه د ۲۰۱۹م کال د نوومبر میاشتي په ۱۹مه د قطر په وړاندي.

شپږمه لوبه د ۲۰۲۰م کال د مارچ میاشتي په ۲۶مه د بنګله دېش په وړاندي.

اوومه لوبه د ۲۰۲۰م کال د مارچ میاشتي په ۳۱مه د عُمان په وړاندي.

او اتمه لوبه بیا د ۲۰۲۰م کال د جون میاشتي په ۹مه د هند په وړاندي ترسره کړي.

راپور: صابر حمیدي

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې