سپورټ نړیوال کرکټ

افغانستان په نړيوال جام کي دريمه لوبه هم وبایلله

لیکنه: مدثر دعوت

ليکنه: مدثر دعوت

د نړيوال جام د لوبو په لړ کي افغانستان او نیوزلینډ سره مخ سو.

د لوبي پچه نيوزلینډ وګټله او توپ اچوونه يې انتخاب کړه.

افغان لوبغاړي په ۴۱. ۱ اوورنو کي ټول وسوځيده او نیوزلینډ ته يې ۱۷۳ منډي هدف ورکړ.

د افغانستان لپاره حضرت الله ځاځي ۳۴،نورعلي ځدران ۳۱،افتاب عالم ۱۴ او هشمت الله شاهدي ۵۹ منډي وکړې.

د نيوزلينډ لپاره نيشم ۵، پرګیسن ۴ او ګرنډهوم يوه ويکټه ترلاسه کړه.

د ۱۷۳ هدف په وړاندي نیوزلینډ ښه پيل ونکړ او په لومړي توپ افتاب عالم وتوانيدی چي د ګوپټيل ويکټه ترلاسه کړي.

د نيوزلبنډ لپاره منرو ۲۲،ویلمسن ۷۹ او ټایلر ۴۸ منډي وکړې.

د افغانستان لپاره که څه راشدخان توپ اچوونه ونه کړه خو يوازي افتاب عالم وکولای سوله چي ۳ ويکټي ترلاسه کړي.

لوبه نيوزلینډ په ۳۳م اوور کی په ۷ ويکټو وګټله.

د لوبی غوره لوبغاړی نيشم سو.

افغانستان بله لوبه راتلونکې شنبه د سويلي افریقا سره لري.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.