سپورټ نړیوال کرکټ

ګیانا امازون او ټرینبیګو نایټ رایډرز نن شپه د کارابین لیګ ۶ م پړاو پای لوبه کې سره مخامخ دي

د ویسټ انډیز د کورني کرکټ «CPL» یا کارابین پریمییر لیګ ۲۰ اوریزه کرکټ تجارتي سیالیو کې له ګډون کوونکو ۶ لوبډلو څخه ګیانا امازون او ټرینبیګو نایټ رایډرز لوبډلې د کارابیم لیګ ۶ م پړاو اتلولۍ جام ګټلو په موخه فاینل ته رسیدلې دي، چې نن دغه لوبې پای ته رسیږي.

د ګډون کوونک لوبډلو څخه سنټ لوشیا سټارز او بار باډوس لوبډلې په لمړیو کې له مخکې تګ څخه پاتې شوې لوبډلې وې، خو نیویس پیټریټز او جمیکا تلاوس هم پای لوبې ته د رسیدو وړاندې سیالانو ته په ماتې خوړلو سره د روان لیګ څخه رخصت شوې.

دغه لوبې د تیرې اګسټ میاشتې په ۸ مه نیټه په امریکا کې پیل شوې وې او نن د روانې سیپټمبر میاشتې په ۱۶ مې نیټه پای مومي.

د کارابین لیګ ۲۰ اوریزه کرکټ دې تجارتي سیالیو کې به د تیر کال اتله ټرینبیګو نایټ رایډرز لوبډله له خپلې تېرې اتلولۍ څخه هم دفاع کوي.

د لیکوال/ لیکوالې په اړه

احسان الله ساپی