ټولنیز ژوند ژوند بڼه

څیړنه: کورني کارونه د ښځو او د بڼوالۍ کارونه د سړیو عمر زیاتوي

لیکنه: ياران

ژباړه او زیاتونه: محمدصادق کریمزی

د هالنډ دروټراډ پوهنتون څيړونکو په خپله نوې څيړنه کې موندلي؛ کورنۍ بوختیاوې د ښځو عمر زیاتوي او د باغوانۍ او بڼوالۍ کارونه بیا د سړیو په عمر کې زیاتوالی راولي.

په ډیلي میل ورځپاڼه کې دغه خپره شوې څيړنه وایي، د میرمنو کورنۍ بوختیاوې لکه؛ لوښي مینځل، پخلی کول او د خپلو ماشومانو روزنه کول او دې ته ورته نور کورني کارونه کول د میرمنو د روغتیا او سلامتیا سربیره داوږد عمر ضامن هم دی.

یادو څيړونکو چې شاوخو اوه زره میرمنې او د هغوی ورځني کارونه تر څيړنې لاندې نیولي ول، په پایله کې معلومه شوه چې کورنۍ بوختیاوې د سړیو په پرتله ښځو ته ډیر ګټور دي.

په یوه بله امریکايي څيړنه کې هم ویل شوي چې په کور کې د لوښو مینځل د میرمنو اعصاب اراموي او له ذهني فشاره یې ژغوري.

یاد څيړونکي ښځو ته د توصیې په شکل وایي، که غواړئ چې اعصاب مو ارامه وي یا له ذهني فشار څخه ځان وژغورئ، نو په کور کې کارونه وکړئ .

له فیسبوک تبصرې

تبصرې

د لیکوال/ لیکوالې په اړه

ياران