سپورټ کورنی کرکټ نړیوال کرکټ

په دوولسم پړاو IPL کي جائزه ګټوونکي لوبډلي او لوبغاړي.

لیکنه: مدثر دعوت

ليکنه: مدثر دعوت

د هندوستان پريمرليګ ۱۲م پړاو د ممبی انډينز لوبډلي په اتلولۍ پايته ورسيدی.

دغه ليګ چي د مارچ په ۲۳مه نيټه د ۸ لوبډلو ترمنځ پيل سوی وو د می مياشتي تر ۱۲مي نيټې پوري يې دوام وکړ.

په پايلوبه کي چينای او ممبی د حيدر اباد په راجيو ګاندي لوبغالي کي سره مخ سوله.

ممبی د ۸ لوبغاړو په سوځيدو ۱۵۰ منډي هدف وټاکی خو چينای ياد هدف ته ونه رسيدی، د بومرا او ملينګا د غوري توپ اچووني لامل وو چي چينای د يوې منډي په توپير ماته ومنله.

تر دې وړاندي هم ۳ ځلي په پايلوبي کي دواړي لوبډلي سره مخ سوي وې، ۲ ځلي ممبی او يوه لوبه چينای ګټلې وه.

د سږکال IPL پايلوبي دلچسپي دا وه چي تر وروستي توپه ګټونکې لوبډله نه وه مالومه،په وروستي اوور کي ملينګا د ۹ منډو دفاع وکړه او د يوې منډي په توپير يې لوبه وګټله.

ممبی د څلورم ځل لپاره د روهيت شرما په لوبډلمشرۍ سره د IPL د اتلولۍ جام پورته کړ.

هغه لوبډلي او لوبغاړي چي په ۱۲م پړاو IPL کي يې ايوارډونه وګټل په لاندي ډول دي:

لومړی مقام جائزه: ممبی انډينز

دويم مقام جائزه: چينای سوپر کينګز

د باجرأته او عادلانه لوبو جائزه: سنرايزر حيدراباد

د ډيرو منډو جائزه: په ۶۹۲ منډو سره ډيويډ وارنر

د ډيرو ويکټو جائزه: په ۲۶ ويکټو سره عمران طاهر

د لوړ سټرايک ريټ جائز: انډري رسل

د لوبي د بدلونکي لوبغاړي جائزه: راهول چاهار

ايمرجينګ لوبغاړي جائزه: شبمان ګيل

سټايليش لوبغاړي جائزه: لوکيش راهول

د ليګ غوره کيچ جائزه: کيرن پولارد

د وړتيا لرونکي لوبغاړي جائزه: انډري رسل

د پايلوبي غوره لوبغاړی: جسپريټ بومرا

هيره دي نه وي چي په سږکال هندوستان پريمرليګ کي د تيرکال په څير ۳ افغان لوبغاړي، محمدنبي، راشدخان او مجيب الرحمن ولوبیدل.

نبي تر تير کال غوره وو مجیب لپاره ښه پړاو نه وو خو راشد د تل په څير بريالی وو.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.