سپورټ نړیوال کرکټ

ولسمشر غني د افغان لوبډلي د ملاتړ په موخه انګلستان ته ځي.

لیکنه: مدثر دعوت
اعلان

ليکنه: مدثر دعوت

افغان ولسمشر انګلستان ته د افغان ملي لوبډلي د لوبي د کتلو لپاره ځي.

د ارګ ماڼۍ څخه سرچينې خبر ورکوي چي افغان ولسمشر محمد اشرف غني به په رسمي سفر انګلستان ته ولاړسي او هلته به د افغانستان او انګلستان لوبه هم له نيږدې ننداره کړي.

ټاکل سوې افغان ولسمشر به د انګلستان له لومړۍ وزيري تريزامې او ځينو وزارتونو له وزيرانو سره هم وګوري.

تر ليدنو کتنو وروسته به محمداشرف غني د منچسټر د اولډ ټرافورډ لوبغالي ته ځي او هلته به د افغانستان او انګلستان لوبه د نيږدې ننداره کړي.

د نړيوال جام په لړ کي افغانستان د انګلستان سره راتلونکې سه شنبه د جون مياشتي په ۱۸مه نيټه خپله پنځمه لوبه ترسره کوي،چي تر اوسه پوري افغان لوبډلي خپلي درې واړه ترسره سوي لوبي بايللي.

تر دې وړاندي افغان ولسمشر په نړيوالو لوبو کي د ملي لوبډلي د ملاتړ په موخه لوبغالو ته تللی خو په دومره لوړه سطحه لوبو کي يې تر اوسه ګډون ندی کړی.

د ولسمشر غني دا سفر به د لوبي کتلو ترڅنګ لوبډلي ته قوي مرال ورکړي.

د کريکټ ملي لوبډله چي په وروستيو کي د تغيراتو،د لوبغاړو د شکايتونو او ډيرو ستونزو سره لاس او ګريوان ده د يوښه بيرته راتګ خبر يې ورکړی.

د انګستان سره تر لوبي وړاندي افغان لوبډله سويلي افريقا سره د رارواني شنبې په ورځ لوبه کوي.

تر اوسه سويلي افریقا او افغانستان د نړيوال جام په لړ کي هيڅ لوبه نده ګټلې.

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.